VOV4.Jarai-Tlam lơ 1/12, Khua mir sir Võ Văn Thưởng tŭ jum Khua pơ ala mơnuih ƀôn sang dêh čar Kur, Samdech Khuon Sudary, ƀrô tal rai čuă jơmư sit nik Việt Nam, tui tơlơi jak iâu mơ̆ng khua pơ ala mơnuih ƀôn sang Việt Nam Vương Đình Huệ.

VOV4.Jarai – Mơguah lơ 1/12 yap tui mông Việt Nam, Khua dêh čar ta Phạm Minh Chính hrŏm hăng Grŭp khua pơ ala gưl dlông Việt Nam hmâo nao laih pơ̆ Dubai, hơdôm bôh dêh čar Arab pơlir hơbit (UAE).

VOV4.Jarai – Jơnum khua pơ ala Khul pơgang ba tơlơi dưi čơđai muai Việt Nam tal 4 rơwang bruă 2023-2028 sit nik pok phun mơguah lơ 1/12 ƀơi Hà Nội.

VOV4.Jarai – Mơguah lơ 1/12, ƀơi plơi prong Kon Tum, tơring čar Kon Tum, Anom kơsem min bôh thâo mơnuih mơnam kual Dap Kơdư pơphun Bơkơtuai bôh thâo phrâo lŏn ia “Pơđĭ kyar bơwih ƀong Anom mă bruă hrŏm kual Dap Kơdư anô̆ gun hăng jơlan pơsir”.

VOV4.VOV.VN - Tŏ tui hơdôm bruă mă ƀơi plơi prong Fukuoka amăng tal nao čuă sit nik dêh čar Japan, mơguah lơ 30/11, tui mông dêh čar anai, Khua mir sir Võ Văn Thưởng tŭ jum grup khua mua Khul mơnuih rơgơi kơhnâo Japan - Việt, yua nai tha prin Mitsuo Ochi, Khua sang hră gưl prong Hiroshima ba jơlan hrŏm hăng lu nai tha prin, nai prin tha, mơnuih kơsem min boh thâo amăng lu bruă mă glăk ngă bruă ƀơi hơdôm boh sang hră gưl prong, sang bruă kơsem min boh thâo hăng hơdôm anom bruă pơkŏn ƀơi Japan.

VOV4.Jarai – Kiăng pok prong hăng pơtrut gum hrŏm tuh pơplai, sĭ mơdrô nao rai gơnam tam hăng pơlar tuai čuă ngui, Jơnum min mơnuih ƀôn sang tơring čar Lâm Đồng hmâo laih hră pơ-ar rơkâo anom bruă rơdêh por Vietjet pok jơlan por mơ̆ng Tơdron Liên Khương - Singapore hăng pơwot glăi.

VOV4.Jarai – Amăng jơlan hơdră nao čuă dêh čar Thổ Nhĩ Kỳ, mơguah lơ 30/11 (yap tui mông ƀơi Thổ Nhĩ Kỳ), ƀơi plơi prong jưh jom Ankara, Khua dêh čar ta Phạm Minh Chính nao pơhmư̆ mông Bơkơtuai bruă bơwih ƀong Thổ Nhĩ Kỳ hăng Việt Nam.

VOV4.Jarai-Giăm 8 mông tlam mơmŏt lơ 30/11, Khua mir sir Võ Văn Thưởng hăng bơnai ñu laih anun grup khua mua mơ̆ng Việt Nam glăi truh pơ tơdron rơdêh por Nội Bài, plơi prong jưh jom Hà Nội, pơđut tal nao čuă dêh čar Japan tŭ yua sit nik mơ̆ng lơ 27-30/11 tui hăng tơlơi jak iâu mơ̆ng khua mua kơnuk kơna lŏn ia Japan.

VOV4.Jarai-Jơnum ruah khua tal 13 mơnuih tơpuôl Việt Nam rơwang bruă thun 2023-2028 hăng akŏ bruă “Pơblih phrâo-Mơnuih ƀôn sang ngă khua pô-Gum pơgôp-Pơđĭ kyar” pơphun mơ̆ng lơ 01/12 hrơi anai truh lơ 03/12.

VOV4.Jarai-Lơ 30/11/2023 ƀơi plơi prong Plei Ku, tơring čar Gia Lai Khul kah pơpha bruă mă kual Dap Kơdư pơphun jơnum tal 2 hăng akŏ bruă Pơkă bruă kual Dap Kơdư mơ̆ng thun 2021-2030, lăng nao pơ anăp truh thun 2050.