Amăng tal nao mă bruă anai, Khua dêh čar ơi Phạm Minh Chính pơhiăp tom hăng Khua dêh čar Kuwait, dŏ lăng dua bơnah kĭ hră ngă hrŏm. Khua dêh čar ơi Phạm Minh Chính ăt pơhiăp tom mơn hăng ƀing khua pơprong dêh čar Kuwait. Tal anai, Khua dêh čar ơi Phạm  Minh Chính tŭ jum hăng ngă bruă hrŏm hơdôm čô khua ding jum gơgrong bruă yom mơ̆ng Kuwait.

Amăng tal nao čuă sit nik dêh čar Kuwait, Khua dêh čar, Bơnai ñu hrŏm hăng Khua mua pơprong mơ̆ng Việt Nam amra bưp khua mua, mơnuih mă bruă amăng Sang anih jưh hăng mơnuih ƀôn sang Việt Nam hơdip pơ Kuwait; tŭ jum hơdôm grup bơwih ƀong prong mơ̆ng Kuwait; lăi pơthâo hơdră djru; nao čuă hơdôm sang bơwih ƀong mơdrô, gru grua hmư̆ hing./.