VOV.Jarai-Ƀrô djơ̆ hrơi hơdor glăi 80 thun Akŏ pơdong kơnuk kơna lŏn ia Cộng hoà xã hội chủ nghĩa Việt Nam (2/9), khua mua hơdôm dêh čar Lao, Khač, Kur, Cuba, Nga, Triều Tiên, India, Mông Cổ hơmâo mơ-it hră kông điện bơni hơ-ơč kơ khua mua ping gah, kơnuk kơna Việt Nam.

VOV.Jarai - Hơdôm hrơi pơdơi Lơphet pơdŏng lŏn ia lơ 2/9, ƀơi anih pơkra glăi jơlan, pok prong jơlan mrô 28B – Jơlan phun tô nao rai hơdôm kual bơwih ƀong phun mơ̆ng tơring čar Lâm Đồng tơlơi mă bruă ječ biă.

VOV.Jarai - Mơguah lơ 02/09, ƀơi Ƀirô mă bruă Ping gah dêh čar, Khua git gai Ping gah dêh čar ơi Tô Lâm hmâo bơkơtuai laih hăng Khua git gai Ping gah, Khua mir sir dêh čar Lao ơi Thongloun Sisoulith ƀrô djơ̆ tal rai pơ̆ dêh čar Việt Nam pơhmư̆ mông ngă Lơphet hơdor glăi 80 thun Hrơi ngă hơkrŭ blan 8 hăng Hrơi pơsit pơdŏng lŏn ia lơ 02/09.

VOV.Jarai - Mơguah tom brơi (2/9) ƀơi Tơdrŏn lak Ba Đình gru grua, Grŭp mă bruă Ping gah Cộng sản Việt Nam – Khua pơ ala mơnuih ƀôn sang dêh čar – Khua mir sir dêh čar – Gong gai dêh čar djop mơnuih dưm kơnar Việt Nam; Jơnum min djop djuai ania mơnuih mơnam dêh čar Việt Nam hăng ƀôn prong Hà Nội pơphun “Ngă Lơphet hơdor glăi 80 thun Hrơi ngă hơkrŭ blan 8 truh kih (19/8) hăng Hrơi pơsit pơjing lŏn ia lơ 2/9”.

VOV.Jarai-Dŏ hơdôm hrơi đôč, thun hrăm phrâo 2025-2026 amra sit nik truh yơh. Ră anai djop tơring čar amăng kual Dap Kơdư hăng Dơnung Tong krah hlăk prăp lui anŏ gêh găl yak nao amăng thun hrăm phrâo-thun blung a čăl ngă tui rah, tŭ mă anŏ hiam klă, pơčeh phrâo kơtang amăng rơnuk phrâo pơđĭ kyar lŏn ia.

VOV.Jarai - Kơnong dô̆ 2 hrơi dong, thun hrăm 2025-2026 amra sit nik pơphun. Ƀơi să guai dêh čar Buôn Đôn, tơring čar Dak Lak, tơlơi prăp lui kơ hrơi mut sang hră glăk pok pơhai klă. Mơ̆ng hơdôm ring bruă phrâo klă hiam truh kơ bruă pơsur čơđai sang hră nao hrăm, abih bang glăk pơphun hăng tơlơi ha pran jua mơ̆ng gong gai, gơnong bruă pơtô pơhrăm hăng plơi pla.

VOV.Jarai- Hrơi anai, ƀơi tơdron lăk Ba Đình (Hà Nội), pơphun ngă lơphet, tơhan rơbat pơtrui ƀrô 80 thun hrơi ngă hơkrŭ blan 8 hăng hrơi akŏ pơdong kơnuk kơna lŏn ia lơ 2/9. Hrŏm hăng anun hơmâo lu tơlơi jơnum boh thâo gru grua, adoh suang, pơnăh mlăi hơmâo pơphun ƀiơi djŏp anih amăng dêh čar.

VOV.Jarai-Djuai ania Sedang hơmâo abih bang rơbêh 212.000 čô mơnuih, dŏ lu biă mă ƀơi hơdôm să kual ataih, čư̆ siăng tơring čar Kon Tum hơđăp, ră anai kual yŭ tơring čar Quảng Ngãi. Amăng rơwang bruă ping gah 2020-2025, tơring čar Kon Tum hơmâo ngă lu hră pơtrun yom, kiăng ba yua anŏ gêh găl mơ̆ng hlâo amăng kual, pơtrut pơsir pran jua mơnuih ƀôn sang găn rơgao tơlơi tơnap tap. Mơ̆ng blan 7 laih rơgao, ngă tui bruă mă gong gai kơnuk kơna dua gưl, pơmut lu sang bruă tơring čar, anih anom bơwih ƀong huă pơđĭ kyar amăng djop să kual mơnuih ƀôn sang djuai ania Sedang dŏ lĕ prong tui. Hră pơtrun jơnum ruah khua ping gah tal sa djop să ăt hơmâo pơtong rơđah djơ̆ anăp či ngă, djơ̆ črăn bruă pok pơhai pioh pơblih tui črăn pơđĭ kyar phrâo.

VOV.Jarai - Mơ-ak hrơi rơngai, neh met wa djŏp djuai ania ƀiă pơ plơi pla Dap Kơdư hơdor glăi Wa Hồ, mơnuih ba glăi tơlơi hơdip trơi pơđao yâo mơak kơ mơnuih ƀôn sang.

VOV.Jarai - 80 thun hlâo adih, lơ 2/9/1945, ƀơi krah Tơdrŏn lăk Ba Đình gru grua, Khua mir sir mir Hồ Chí Minh hmâo pơđok hră Pơtŏng rơngai, lăi pơthâo lŏn ia Việt Nam Dân chủ Cộng hòa. Amăng mông yôm phăn anun lĕ, khăn gru mriah bôh pơtŭ kơñĭ rơma bôh čăng por đĭ amăng jua pơhiăp tơ-oa đĭ mơ̆ng ha rơbâo čô mơnuih kiăng khăp lŏn ia, pơtŏng sit kơtang hăng rŏng lŏn tơnah kơ pô lŏn ia, tơlơi ư-ang mơ̆ng sa djuai ania rơngai, dưi pô, jing pơƀut glăi pran jua khăp lŏn ia, hơdôm tơlơi tuh rơyuh mơ̆ng hơdôm rơnuk ơi yă hăng pran jua gum hrŏm hơbit djuai ania.