Amăng mông jơnum, ƀing ding kơna hơmâo bơtŭ ư hơdôm boh tơhnal ba tơbiă, laih dong pơsit mă yua tơlơi pơtrun pơplih pơkra jao bruă brơi sa, dua čô ding kơna Khul plĕ hră ruah khua dêh čar hăng grup djru bruă Khul plĕ hră ruah khua dêh čar. Đĭ pơhiăp pơđut mông jơnum, Khua git gai pơ ala mơnuih ƀôn sang dêh čar rơkâo anăm brơi ngă soh hră pơ-ar bơdjơ̆ nao tơlơi dưi plĕ hră, tơbiă anăn ngă khua; pơphun brơi tong ten, klă hloh; “ngă tañ hloh, mơng ataih”, rơđah mơnuih, tong ten bruă mă, hrơi mông, boh than ba glăi, tơlơi glăm ba; kơtưn pel ĕp, krăo lăng phara; lăng mơnuih ƀôn sang ruah khua lĕ phun.

Khul plĕ hră ruah khua dêh čar gum hrŏm klă, tŏ tui hruaih kơplah wah gơnong glông hăng ƀon lan; lăng yôm tơlơi glăm ba mơng ƀing apăn akŏ; pơsir hĭ lăp djơ̆ tơlơi gun, tơlơi juăt ƀuh, sit biă ñu amăng ƀon lan. Sit biă ñu amăng hrơi mông glăk ngă tui hơbô̆ bruă gong gai dua gưl, lu să phrâo, yua anun, djop ding jum, gơnong bruă bơdjơ̆ nao kiăng đing nao, git gai tui tlôn. Kơtưn amăng pôr pơhing, yua boh thâo măi mok, pơhlôm rơnuk rơnua, tơlơi dưi ruah khua, sit biă ñu mơnuih ƀôn sang kual ataih, asuek, giăm guai, bul pơtâo, kông ñơn kual tuh tia pơkra ming, ƀing hlăk ai, čơđai sang hră gưl prong…hơdôm anom bruă pel ĕp hơdôm bruă prap lui klă Jơnum đơ đam dêh čar pok pơhai bruă plĕ hră amăng lơ 15/11; pơƀut glăi hră pơ-ar anom bruă plĕ hră, anăn hơdôm anom bruă plĕ hră hăng mrô Khua pơ ala mơnuih ƀôn sang hơmâo ruah ƀơi hơdôm anom bruă kiăng mơ-it nao Khul plĕ hră ruah khua tum pơƀut hăng lăi pơthâo hlâo kơ 25/12/2025.