Ơi Đỗ Văn Chiến thun tơkeng 1962, dŏ hơdip pơ tơring čar Tuyên Quang, mơnuih djuai ania Sán Dìu. Ñu lĕ Ding kơna Ding jum kơđi čar tal XIII (dong mơng blan 5/2024); Khua apăn bruă Ping gah tal XIII (truh blan 11/2025); Ding kơna gơnong glông tal X (prap tui tlôn), XI, XII, XIII; Khua pơ ala mơnuih ƀôn sang dêh čar tal XIII, XIV, XV. Ñu mă bruă sui thun ƀơi tơring čar Tuyên Quang (hơđăp), ngă kơ-iăng khua git gai Ping gah tơring čar, Khua Jơnum min mơnuih ƀôn sang tơring čar. Tơdơi anun ñu hơmâo ding jum kơđi čar ruah ngă Khua git gai Ping gah tơring čar Yên Bái rơwang thun 2010-2015. Tŏ tui, ñu ngă hơdôm bruă anun lĕ Kơ-iăng khua ding jum, kơ-iăng Khua jơnum min djuai ania, Khua ding jum, Khua jơnum min djuai ania; Khua git gai Ping gah Jơnum min djop djuai ania mơnuih mơnam Việt Nam, Khua Jơnum min djop djuai ania mơnuih mơnam Việt Nam.

Mơng blan 2/2025, ñu ngă Khua git gai Ping gah Jơnum min djop djuai ania mơnuih mơnam Việt Nam, hơdôm khul grup gơnong glông, Khua Jơnum min djop djuai ania mơnuih mơnam Việt Nam, hlâo kơ hơmâo Ding jum kơđi čar jao bruă, ruah ngă kơ-iăng khua git gai Ping gah Ƀirô Khua pơ ala mơnuih ƀôn sang dêh čar blan 11/2025.