VOV.Jarai - Tlam lơ 25/8, ƀơi Đà Lạt, Khul khua pơ ala mơnuih ƀôn sang dêh čar tơring čar Lâm Đồng pơphun bưp djŏp rơnuk khua pơ ala hăng pơtum glăi bruă mă mơ̆ng khua mua pơ ala mơnuih ƀôn sang dêh čar tal 15, rơwang bruă thun 2021-2026.

VOV.Jarai-Kơ-iăng Khua dêh čar ơi Nguyễn Hòa Bình phrâo hơmâo mông mă bruă hăng Khua mua apăn bruă phun ping gah tơring čar Khánh Hòa kơ bruă pơsir hĭ tơlơi dŏ gun lu kơčăo bruă. Ngă tui Hră pơtrun mơ̆ng Ping gah, Jơnum min mơnuih ƀôn sang tơring čar Khánh Hòa ăt hlăk pơtum git gai tañ pơčrong sai ĕp hơdră pơsir hăng pơđĭ kyar dua bruă mă phun kah hăng tơmeh gơgrong ba amăng bruă tuh tia pơkra ming hăng măi mok laih anun apui yua.

VOV.Jarai - Ding jum tơlơi phiăn pơphun ngă Lơphet hơdor glăi 80 thun Hrơi gru grua Tơlơi phiăn Việt Nam (28/8) hăng Jơnum bơkơtưn khăp kơ lŏn ia bruă Tơlơi phiăn tal 6.

VOV.Jarai - Jơnum ruah khua ping gah Jơnum min mơnuih ƀôn sang tơring čar Dak Lăk tal sa, rơwang bruă thun 2025-2030 phrâo hơmâo pơphun tŭ yua. Anai jing tơlơi jơnum kơđŏm gru pơplih prong bruă pơtrut tui tơlơi gơgrong pơčeh phrâo, jơlan ngă bruă pơ anăp hăng tơlơi git gai ba jơlan mơ̆ng Ping gah Jơnum min mơnuih ƀôn sang tơring čar đah mơ̆ng ba Dak Lăk jing anih đĭ kyar phrâo mơ̆ng Dap Kơdư hăng kual ter hang ia rơsĭ Dơnung Tong krah.

VOV.Jarai-Mơmŏt tom brơi (24/8), Khua dêh čar ơi Phạm Minh Chính hơmâo nao tơl anom bruă git gai phun mơng Kơnuk kơna pơdong ƀơi Anom bruă git gai ling tơhan Quân khu 4, tơring čar Nghệ An, kiăng git gai bruă pơhlôm hlâo kơthel mrô 5.

VOV.Jarai - Gong gai dêh čar phrâo mă yua Tơlơi pơtrun pơsit kơ Kơčăo bruă pok pơhai Tơlơi pơtrun pơsit mrô 189 thun 2025 mơ̆ng Khua pơ ala mơnuih ƀôn sang, pơkă sa dua tơlơi pơkă, hơdră bruă phara ha jăn pioh mă yua prăk pơdŏng Rơwang bruă apui lơtrik ayuh Ninh Thuận.

VOV.Jarai - Amăng rơwang tal nao čuă sit nik dêh čar Nepal mơ̆ng lơ 23-25/8, mơguah lơ 24/8, ƀơi plơi prong jưh jom Kathmandu, Kơ-iăng Khua mir sir dêh čar ta yă Võ Thị Ánh Xuân hmâo bơkơtuai laih hăng Kơ-iăng Khua mir sir dêh čar Nepal Ram Sahaya Prasad Yadav.

VOV.Jarai - Khua mir sir dêh čar ơi Lương Cường lăi rơđah gah yŭ tơlơi git gai mơ̆ng Ping gah Cộng sản Việt Nam, Jơnum min djop djuai ania mơnuih mơnam dêh čar Việt Nam pô apăn akô̆ phun bruă kơđi čar, jing pô tum pơƀut hơbit, gum hrŏm hơbit hơdôm gưl mơnuih mơnam, djop djuai ania, tơlơi đăo, mơnuih Việt Nam amăng hăng mơ̆ng dêh čar tač rơngiao, pơjing pran kơtang hloh mơ̆ng khul gum hrŏm hơbit abih bang djuai ania.

VOV.Jarai-Ring bruă pơdă prưng “Tơlơi dưi dêh čar-Bruă mă amăng 80 thun yua kơ tơlơi rơngai-ngă pô-yâo mơ-ak” ƀơi Sang pơdă prưng dêh čar (Đông Anh, Hà Nội) lĕ sa amăng hơdôm ring bruă hơmâo lu mơnuih ƀôn sang dŏ tơguăn hloh. Pơgôp amăng bruă pơdă prưng lĕ anih pơdă hơdôm tơlơi dưi mơng Gong phun jua pơhiăp dêh čar Việt Nam amăng bruă pơklaih rơngai lŏn ia, pơjing hăng pơđĭ kyar lŏn ia, Gong phun jua pơhiăp dêh čar Việt Nam čang rơmang pơgôp amăng tơlơi truh kih hrŏm amăng bruă pơdă prưng dêh čar.

VOV.Jarai - Amăng tơlơi đơ đam dêh čar anăp nao ngă Lơphet hơdor glăi 80 thun bruă Hơkrŭ blan 8 truh kih hăng Hrơi pơdŏng lŏn ia lơ 2/9, ƀơi Anom pơhrăm bruă tơhan lŏn ia 4 (Sơn Tây, Hà Nội), hơdôm khul ling tơhan gum hrŏm rơbat trui, rơbat khul glăk tañ yak nao rơwang ruah mă pơhrăm tuč rơnuč. Hrŏm hăng hơdôm khul grŭp, mơnuih apăn bruă tơhan, tơhan polih ia rơsĭ Việt Nam ăt dô̆ pơhrăm mơn, pơsit pran jua ngă giong prong bruă jao A80 – sa amăng hơdôm bruă kơđi čar, bôh thâo yôm phăn mơ̆ng djuai ania.