Amăng mông bưp, dua čô khua lăng yôm hơdôm boh than ba glăi prong amăng tơlơi rô nao rai yôm phăn djop mơta kơplah wah Việt Nam-Mi amăng hrơi blan rơgao. Dua bơnah bơtŭ ư tŏ tui gum hrŏm kjăp kiăng ba tơlơi rô nao rai dua boh dêh čar jai hrơi pơđĭ kyar dơlăm tui, sit nik, hơđong hăng kjăp phik, lăp djơ̆ hăng tơlơi dưi mơnuih ƀôn sang dua boh dêh čar, pơgôp prong brơi bruă pơhlôm rơnuk rơnua, ngă hrŏm hăng pơđĭ kyar hơđong kjăp amăng kual hăng rŏng lŏn tơnah.

Gah ƀing gơñu, Khua mir sir Mi pơsit tong, ñu lăng yôm tơlơi rô nao rai ngă hrŏm yôm phăn djop mơta hăng Việt Nam; lăng yôm tơlơi glăm ba, kơdrưh ang jai hrơi prong tui mơng Việt Nam kah hăng hơdôm tơlơi gir run mơng Việt Nam amăng pơplih pơkra, pok pơhư, mut hrŏm, pơplih phrâo tơlơi bơwih ƀong huă jai kơtang tui. Khua mir sir Mi pơsit tong tơlơi dong yua dêh čar gơgrong phun amăng kual ASEAN; lăng yôm tơlơi gum pơgôp mơng Việt Nam amăng hơdôm bruă amăng kual hăng jar kmar.