Hăng akŏ bruă “Pơtruh brơi - Anom mơdrô - Hrưn ataih”, Jơnum thun anai hơmâo rơbêh 20 wơ̆t pơčrông sai, pơƀut lăi nao hơdôm bruă glăk hơmâo anom mơdrô lăp đing nao hloh.

Pơhiăp ƀơi mông Jơnum, Khua mir sir lăi, tơdơi kơ giăm 40 thun pơplih phrâo, Việt Nam hơmâo tŭ mă lu tơlơi pơplih prong, yom biă, ngă atur kjăp phik či đĭ kyar pơ anăp anai dong, hrŏm hăng rŏng lŏn tơnah mut amăng rơnuk phrâo. Anun lĕ anom bruă kơnuk kơna, hơdră ngă bruă jai hrơi lăp djơ̆ tui hăng tơlơi pơkôl pơkă jar kmar; sa dêh čar bơwih ƀong hơdeč, thâo prăp rơmet, mut hrŏm dlăm; sa kơnuk kơna hơmâo kơđi čar - mơnuih mơnam hơđong; laih dong hơmâo dêh čar ngă gŏp ƀơi djŏp 5 kual lŏn mơtăm. Hơdôm boh tŭ yua anai dưi hơmâo lĕ yua kơnang kơ hơdră ngă bruă lăp djơ̆, tơngan hăng akŏ dlô rơgơi hăng pran jua mă bruă ƀu pơdơi pơdă mah glêh glar mơ̆ng abih bang mơnuih ƀôn sang, tơlơi dong yua, gum djru hăng ngă hrŏm lăp yap ba, pơpŭ bơni biă mă mơ̆ng gơyut gơyâo jar kmar.