Tui hăng tơlơi pơtrun, prăk tuh pơ alin mơ̆ng tơring čar hrŏ trun mơ̆ng rơbêh 7.201 klai dŏ glăi rơbêh 6.686 klai, jing hrŏ trun rơbêh 515 klai. Mrô hrŏ trun anai hơmâo ƀơi hơdôm kơčăo bruă mă yua prăk pơhrui mơ̆ng lŏn tơnah, pơdơi brơi kơ Keh prăk pơlar lŏn tơnah thun 2025 laih anun pơdơi hơdôm kơčăo bruă ƀu kiăng prăk dong tah.

Tơring čar ăt pơplih glăi tui hơdră kah pơpha rơbêh 167 klai prăk kơ hơdôm kơčăo bruă hơmâo pơsit brơi prăk laih, ƀiă či ngă giong, laih dong hơdôm ring bruă pơtrut pơđĭ kyar. Yă Cao Thị Hòa An, Khua jơnum min pơ ala mơnuih ƀôn sang tơring čar Dak Lăk, kiăng Jơnum min mơnuih ƀôn sang tơring čar hăng hơdôm anom bruă kơtưn đĭ, kiăo tui tơlơi pơtrun “6 rơđah”, pơhlôm ngă tui djơ̆ tơlơi phiăn brơi prăk kăk, mă yua prăk klă, djru pơđĭ tui rơnoh gơnam pơkra rai ƀơi tơring čar amăng thun 2025 tui rơnoh jao mơ̆ng Gơnong dlông; laih dong kiăng hơdôm anom bruă ngă tui djơ̆ tơlơi phiăn tuh pơ alin, pô ngă khua khŏm gơgrong bruă hăng mrô prăk hơmâo brơi.