Ƀơi mông jơnum, ƀing khua hơmâo pơthâo brơi hơdôm boh tơhnal akŏ phun kơ bruă wai lăng pôr pơhing hăng tač rơngiao, pơƀuh anŏ yom mơ̆ng hơdôm jơlan hơdră pơđĭ kyar bơwih ƀong huă mơnuih mơnam gah guai, Tơlơi phiăn pơgang guai Việt Nam hăng hơdôm hră pơ-ar tơlơi pơkôl dưi wai lăng lŏn ia.

Ơi Nguyễn Quốc Hiệp, Kơ-iăng khua gơnong bruă Gru grua, bơrơguăt drơi jăn hăng tuai čuă ngui tơring čar Dak Lăk brơi thâo, mông jơnum jing tal pơtŏp hrăm blung a amăng lu bruă hơmâo pok pơhai ƀơi 4 boh să gah guai anun lĕ Ia Lốp, Ia Rvê, Ea Bung hăng Ƀuôn Đôn, kiăng pơđĭ tui boh tŭ yua bruă pôr pơhing hăng čar rơngiao, akŏ pơdong abih bang gum pơgang lŏn ia kjăp phik, ngă phun atur či pơđĭ kyar bơwih ƀong - mơnuih mơnam hăng hơkrŭ kjăp tui khul gum pơgôp djuai ania ƀơi guai tơring čar Dak Lăk.