Tui hăng hră lăi pơthâo hăng grup khua mua hyu mă bruă, ơi Nguyễn Tuấn Thanh, Kơ-iăng khua phun jơnum min mơnuih ƀôn sang tơring čar Gia Lai brơi thâo, kơthel 13 ngă răm ƀăm kơtang biă mă ƀơi tơring čar, hơmâo 2 čô mơnuih djai, 8 čô mơnuih rơka rơkač, răm ƀăm dram gơnam kông ngăn him lăng truh 5000 klai prăk.

Kơnuk kơna hơmâo pơsit djru blung hlâo 80 klai kơ djop tơring čar răm ƀăm bơbeč yua kơthel ngă, amăng anun tơring čar Gia Lai hăng Dak Lak lĕ rĭm tơring čar 30 klai prăk. Kơ-iăng khua dêh čar ơi Hồ Quốc Dũng pơtrun hiăp, hơdôm bruă mă mơ̆ Gia Lai kiăng ngă ră anai, pơsir hĭ anŏ răm ƀăm truh kơthel 13 ngă, kiăng hơđong tơlơi hơdip mơda mơnuih ƀôn sang.