Amăng mông mă bruă, tơring čar rơkâo gơnong glông tañ ba tơbiă tơlơi pơtrun phrâo brơi kơ kual Dap kơdư hăng ter hang ia rơsĭ dơnung tong krah; đing nao glông jơlan Ngŏ-Yŭ hăng djru brơi giăm 200 klai prăk rŭ pơdong glăi anŏ răm rai yua hơjan kơthel. Kơ-iăng Khua dêh čar Mai Văn Chính lăng yôm tơlơi gir run mơng tơring čar amăng dưm dăp anih anom, pơplih bruă ngă hră pơ-ar hăng tŏ tui pơđĭ kyar.

Kơ-iăng Khua dêh čar rơkâo Dak Lak gơgrong ƀiă dong, pơtrut bruă jao prăk, hrưn đĭ klă dong amăng mă bruă ngăn rơnoh; lăng glăi hơnong pơkă thun 2025, gir run pơđĭ kyar giăm 8%, đing nao hơdôm ring bruă ngă pơplih tañ. Laih dong đing nao tơlơi hơdip mơnuih ƀôn sang kual ataih, asuek, kual mơnuih djuai ania ƀiă; pơhlôm tơlơi hơdip mơda pơlir hăng wai pơgang hơđong.