Kơthel Kalmaegi lĕ kơthel kơtang biă mă pưh rai amăng tơring čar Gia Lai, aka ƀu hơmâo djơ̆ ôh amăng hơpluh thun laih rơgao, ngă răm ƀăm kơtang biă mă. Yua kơ prăp lui klă bong lui hlâo tañ, mơ̆ng ataih, tơring čar hơmâo pơdŭ đuăi 300.000 čô mơnuih ƀôn sang, hmao nao pơklaih brơi 200 čô mơnuih tơbiă đuăi mơ̆ng kual hŭi rơhyưt, hơdư̆ ƀiă tơlơi răm ƀăm kơ mơnuih.

Tơdơi kơ kơthel đuăi, đơ đam tơring čar hơmâo 50.000 boh bơbung sang răm, amăng naun 1000 boh sang dlưh ƀhiao; 2 čô mơnuih djai, 8 čô mơnuih rơka rơkač. Rơnoh răm ƀăm hơmâo jŭ yap truh 5.200 klai prăk. Lu ring bruă jơlan glông nao rai, biă mă ñu amăng plơi prong Quy Nhơn, anih bơwih ƀong huă phun, anih tuai čuă ngui ƀơi tơring čar, kơthel pơrai ngă răm ƀăm kơtang mơ̆n. Khua Jơnum min mơnuih ƀôn sang tơring čar Gia Lai iâu pơthưr abih glông bruă kơđi čar, ƀing ngă bruă mơdrô hăng mơnuih ƀôn sang pơđĭ kơtang pran jua thâo gum hrŏm, hrưn đĭ mă pô, gum tơngan djru ba man pơdong, sang bruă, jơlan glông, djru mơnuih ƀôn sang tơnap tap, ƀu lui kơ hlơi dŏ glăi gah klôn ôh.