Khua phrâo sang phat kơđi dêh čar đĭ pơƀuăn apăn bruă tui tơlơi phiăn pơkă. Đĭ pơhiăp lơ̆m jao apăn bruă, khua phrâo sang phat kơđi dêh čar ơi Nguyễn Văn Quảng bơni kơ khul apăn bruă ping gah dêh čar, Ding jum kơđi čar, Khua git gai ping gah ơi Tô Lâm hăng khua mua ping gah, kơnuk kơna hơmâo đăo kơnang jao bruă phrâo kơ ñu, ƀing pơ ala mơnuih ƀôn sang dêh čar pô ruah đĭ ñu ngă khua sang phat kơđi dêh čar.

Hăng bruă mă phrâo, jing khua gơnong bruă phat kơđi mơnuih ƀôn sang amăng dêh čar, ngă tui tơlơi jao pơsit tui hăng Phiah phiăn Lŏn ia cộng hoà xã hội chủ nghĩa Việt Nam, Khua sang phat kơđi dêh čar ơi Nguyễn Văn Quảng brơi thâo, amra ngă tui djơ̆ tơlơi ƀuăn ƀơi anăp khua mua pơ ala mơnuih ƀôn sang dêh čar, ngă tui djơ̆ tơlơi git gai mơ̆ng ping gah, tơlơi pơkă  amăng hrăi pơtrun mơ̆ng Phiah phiăn hăng tơlơi phiăn dêh čar.