Tal jơnum anai tŭ ư Tơlơi pơtrun tŭ yap brơi pơdơi ngă Khua Jơnum min pơ ala mơnuih ƀôn sang tơring čar tal 10 rơwang thun 2021-2026 hăng ơi Trần Hồng Thái, yua hơmâo jao ngă Kơ-iăng khua Sang bruă kơsem min boh thâo ia rơgơi Việt Nam mơ̆ng lơ 3/9/2025. Laih dong ruah ơi Lưu Văn Trung, Kơ-iăng khua Ping gah Lâm Đồng ngă Khua Jơnum min pơ ala mơnuih ƀôn sang tơring čar Lâm Đồng tal 10, rơwang thun 2021-2026, hăng mrô hră tŭ ư 110/112.

Ƀơi mông jơnum, Jơnum min pơ ala mơnuih ƀôn sang tơring čar Lâm Đồng ăt tŭ ư hăng bruă ruah pơhrua Ding kơna Jơnum min mơnuih ƀôn sang tơring čar Lâm Đồng rơwang thun 2021-2026 hăng ơi Hoàng Văn Bằng, ding kơna Ping gah, Khua Gơnong bruă pơtom hiăp hăng čar rơngiao./.