Anai lĕ, tơlơi djru ba mơ̆ng ping gah, gong gai kơnuk kơna hăng mơnuih ƀôn sang tơring čar Quảng Ninh mơ-it nao kơ klâo boh tơring čar hlăk bưp tơlơi răm ƀăm truh kơtang hloh hơjan ia ling dăo ngă phrâo anai, sa boh tơring čar 5 klai prăk.

Kơ-iăng khua git gai pơ ala mơnuih ƀôn sang dêh čar ơi Nguyễn Khắc Định nao jơnum hrŏm hăng bơni biă mă tơlơi djru ba hiam klă anai mơ̆ng Quảng Ninh hmao kru, lăng anai sa bruă mă hiam klă, khăp pap, thâo djru nao rai gum pơgôp amăng djuai ania, kiăng pơtrut pran jua mơnuih ƀôn sang amăng kual ia ling dăo tañ găn rơgao tơlơi tơnap tap. Kơ-iăng khua git gai pơ ala mơnuih ƀôn sang dêh čar, rơkâo djop tơring čar ăt pơphun jak iâu pơčruh prăk kăk, gơnam tam djru ba ƀing dŏ mă bruă hăng mơnuih ƀôn sang amăng kual ia ling dăo tañ hơđong tơlơi hơdip mơda; laih dơ̆ng iâu pơthưr djop sang bruă, khul grup mơnuih tơpuôl, djop drơi pô mơnuih ƀôn sang djru ba kual hơmâo tơlơi răm ƀăm truh ia ling dăo ngă, rŭ glăi đang hmua, anom bruă pơkra ming hăng pơhlom brơi tơlơi dŏ dong ƀong huă kơ mơnuih ƀôn sang. Tơlơi djru gum hrŏm anai, sa tơlơi čang rơmang bang bơngač hloh pran jua gơgrong ba djru hrŏm amăng plơi pla bong glăi hăng tơlơi truh đah mơ̆ng plai ƀiă răm rai.