Anom bruă đao lăng Ayuh hyiăng lŏn adai Lâm Đồng  brơi thâo 90% đơ đam lŏn ia hram, amuñ dăo, hơmâo ia kuor ƀơi hơdôm hnoh ia, hăng ngă tơhlŏm lŏn. Hơdôm boh tơring kah hăng Dam Rông, D’Ran, Lạc Dương, Nam Ban, Hiệp Thạnh...hrŏm hăng hơdôm glông jơlan čư̆ čun čoe Jơlan 20, 27. 27C, 28B, Đại Ninh, Prenn hăng Mimosa dŏ amăng anăn pơhŭi kơtang. Bơ ƀơi Dak Lăk, tui hăng Anom đao lăng ayuh hyiăng lŏn adai tơring čar, lu plơi pla plung, dơnung ƀơi Dak Lăk ia glăk dăo laih; hơdôm glông jơlan nao rai amăng să, plơi pla ia dăo blai, ƀu thâo nao rai dong tah.

Lŏn tơhroh ăt hơmâo mơn ƀơi jơlan pơđing, pơđuai dơnung đĭ kơdư či Khánh Hòa - Lâm Đồng. Rơngiao kơ tơlơi truh lŏn tơhlŏm ngă 5 čô mơnuih djai ƀơi jơlan čư̆ čun čoe Khánh Lê, tơring čar Khánh Hòa, hơdôm pluh anih tơhlŏm pơkŏn hơmâo ƀuh ƀơi jơlan čư̆ Ngoạn Mục hăng Khánh Sơn - tô Khánh Hòa hăng Lâm Đồng. Mơnuih apăn bruă nao pơgăn laih jăng jai Jơlan čư̆ Ngọan Mục kiăng pơhlôm rơnuk rơnua./.