Tơhan Quân khu 5 pơphun man pơdong sang brơi mơnuih ƀôn sang kual ia dăo Dak Lak
Thứ ba, 09:41, 02/12/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mơguah lơ 1/12, ƀơi să Hòa Thịnh (tơring čar Dak Lak), anom bruă git gai tơhan Quân khu 5 pơphun ngă lơpet pok pơhai bruă djru man pơdong sang brơi mơnuih ƀôn sang hơmâo sang glưh, ia kor hĭ amăng tal hơjan ia ling dăo rơgao.
Thiếu tướng Trần Thanh Hải-Kơ-iăng khua anom bruă git gai tơhan Quân khu 5 pơsit tong bruă pok pơhai djru man pơdong sang lĕ tơlơi glăm ba, anai lĕ pran khăp pap hăng pơƀuh tong ten kơ pran “Yua mơnuih ƀôn sang wơr hĭ pô” mơng Ling tơhan. Hơdôm anom bruă amra pơpha mơnuih nao djru lăp djơ̆, pơhlôm man pơdong djơ̆ hrơi mông, rơnuk rơnua hăng lăng rĭm boh sang jing anih gơnang nao kiăng mơnuih ƀôn sang hơđong tơlơi hơdip, hrưn đĭ tơdơi kơ hơjan ia ling dăo.
Tơhan Quân khu 5 hăng hơdôm khul ling tơhan amăng tlâo boh tơring čar Gia Lai, Dak Lak, Khánh Hòa tal anai amra pok pơhai man pơdong rơbêh 400 boh sang brơi mơnuih ƀôn sang kual ia ling dăo.
Viết bình luận