Amăng mông ngă lơphet, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, 80 thun - thun blan hing ang, samơ̆ ăt lĕ hrơi blan pok pơphun brơi rơwang phrâo dong. Lŏn ia ta glăk yak nao rơnuk pơđĭ kyar phrâo hăng tơlơi gir run, pran kơtang pơjing lŏn ia pơdrong sah, hiam klă, yâo mơ-ak; pơjing Ping gah ngă bruă tơpă sit, hơđong kjăp; dơlăm amăng tơlơi pơmĭn, gru grua kjăp phik.

Khua git gai pơ ala mơnuih ƀôn sang dêh čar đăo gơnang lĕ: ƀing khua mua, mơnuih apăn bruă, mơnuih Ping gah, mơnuih mă bruă amăng sang bruă čoh hơdrôm hră kơđi čar dêh čar tơpă sit tŏ tui gru grua gum pơgôp, pơplih pơčeh phrâo, pơgiong klă djop mơta bruă jao, pơgôp prong amăng bruă pơjing Ping gah hăng bruă pơjing laih dong wai pơgang kjăp lŏn ia Việt Nam xã hội chủ nghĩa.