Pơhiăp ƀơi mông jơnum, Khua dêh čar ơi Phạm Minh Chính lăi rơđah: Mơ̆ng anai truh kơ mông Jơnum bơkơtưn khăp kơ lŏn ia tal 11 dŏ 1 blan đôč, bruă lu tơket tơkeng yơh, kiăng ding kơna amăng Khul bơkơtưn apah bơni pioh mông, pran jua, tơlơi rơgơi djru ngă hơdôm bruă hơmâo mơ̆ng kơnuk kơna jao.

Lăi dlăm kơ bruă ruah anăn či pơpŭ bơni mơnuih mă bruă sông kơtang, tơhan blah ngă sông kơtang hăng hơdôm khul grup, mơnuih rơgơi mơbruă kah hăng: amăng bruă pơgang klin Covid-19; pơgang rơnuk rơnua lŏn ia; hơdôm bruă bơkơtưn; tuh pơ alin đĭ kyar anih anom yơyom; lŏm lui sang dŏ tơ̆i phŏ; djru mơnuih ƀôn sang hơđong tơlơi hơdip mơda; bơrơguăt drơi jăn, gru grua; pơgang hơjan kơthel; boh thâo ia rơgơi; pơčeh phrâo ia rơgơi, mă yua boh thâo mrô. Khua dêh čar pơtă ƀu dưi pơgao lui ôh mơnuih hơdip klă, ngă bruă hiam, ba jơlan amăng djŏp bruă djru mơnuih tơpuôl, laih anun pơsit “pơpŭ kơ kơnuih hơdip hiam sit jing pơpŭ anŏ yom mơ̆ng djuai ania mơn”.