Pơphun amăng 2 hrơi mơng lơ 19-20/12 pơ anăp, Jơnum anai lĕ bruă tui boh thâo phrâo-hơdră bruă yôm phăn hăng jơlan gah pơđĭ kyar ƀơi tơring čar Lâm Đồng amăng rơwang phrâo. Hơmâo laih 21 khu mua pơ ala hơdôm anom bruă, khul grup jar kmar hăng 10 čô khua pơ ala Sang anih jưh pơsit nao jơnum hrŏm. Ơi Đinh Văn Tuấn, kơ-iăng Khua Jơnum min mơnuih ƀôn sang tơring čar Lâm Đồng brơi thâo, kơ kual čư̆ siăng Di Linh mơng tơkai jơlan čun čoe Bảo Lộc truh pơ tơkai jơlan čun čoe Frenn, hơmâo wŏt plơi prong Bảo Lộc hăng 5 boh tơring glông: Bảo Lâm, Di Linh, Đức Trọng, Lâm Hà, Đơn Dương, truh 50% lŏn mơnai amăng tơring čar Lâm Đông hơđăp.

Tơdơi kơ pơmut hrŏm 3 boh tơring čar Dak Nông, Bình Thuận hăng Lâm Đồng, kual čư̆ siăng Di Linh arăng lăng lĕ kual lŏn pơtum pơƀut djop tơlơi gal kơ ayuh hyiăng lŏn mơnai glai čư̆, apui yua mơtah hăng anih jơlan glông pơlir hyu amăng kual.