Tui hăng hră lăi pơthâo mơ̆ng Ding jum Man pơdong, truh ră anai, đơ đam dêh čar ta hơmâo 234 ring bruă, kơčăo bruă ƀơi 34 boh tơring čar, ƀôn prong djop anŏ gêh găl ngă hrŏm, amăng anun 148 kơčăo bruă man pơdong hăng 86 kơčăo bruă ba yua laih, pơtruh brơi rơdêh dưi nao rai djơ̆ hnơ̆ng pơkă. Jơnum anai amra pơphun lơ 19/12/2025.

Khua dêh čar lăi pơtong, bruă ngă anai kiăng tô tui dơ̆ng lu ring bruă či man pơdong, ba yua ring bruă pơprong hloh hlâo kơ anun, djă kơđŏm gru kơđi čar, tơlơi bơwih ƀong huă, čơkă mơak jơnum prong bơkơtưn khăp kơ lŏn ia đơ đam dêh čar tal XI hăng ruah khua ping gah tal XIV, laih dơ̆ng jing pran jua pơtrut mă bruă phrâo kiăng pơđĭ rơnoh bơwih ƀong huă hmar hăng hơđong kơjăp amăng hơdôm thun pơ anăp. Khua dêh čar pơtrun hiăp, djop ding jum, anom bruă khom pơhlom bruă mă, boh tŭ yua hiam.