Pơhiăp ƀơi mông bưp mơnuih ƀôn sang, Khua git gai ping gah ơi Tô Lâm brơi thâo hơdôm bruă kiăng ngă pơ anăp anai hơmâo: bong kjăp rơnuk rơnua kơđi čar, đĭ kyar tañ, hơđong kjăp lŏn ia, pơđĭ tui tơlơi hơdip mơnuih ƀon sang; kiăng pơhrui abih pran kơtang mơ̆ng abih anom bruă čar hăng abih bang mơnuih ƀôn sang đah mơ̆ng dưi ngă bruă anai.

Kơ hơdôm jơlan ngă bruă prong mơ̆ng ƀôn prong, Khua git gai ping gah ơi Tô Lâm kiăng pơplih tơlơi pơmin đĭ kyar, khin pơmin - khin ngă - khin gơgrong yua tơlơi gêh găl klă hiam hrŏm. Gong gai 2 gưl khŏm mă bruă hơdeč, tŭ yua, giăm ană plơi - nao hrŏm ană plơi - yua kơ ană plơi, ƀuăn ngă tui djơ̆ hrơi pơkă kơ rim bruă mă mơ̆ mơnuih ƀôn sang lăi nao. Khua git gai Ping gah  đăo kơnang Ping gah, gong gai hăng mơnuih ƀôn sang plơi prong jưh jom amra pơtrut tui gru hing ang hơdôm rơbâo thun, pran jua gum pơgôp, rơgơi, hơmâo hơtai ngă bruă, ba Hà Nội đĭ kyar kơtang, djơ̆ hăng sa anih prong hloh kơ đi čar, bơwih ƀong, gru grua, boh thâo ia rơgơi, pơtô hrăm mơ̆ng lŏn ia ta.