Hrŏm hăng bruă akŏ pơdong Jơnum min ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang tơring čar tal 11, abih bang să, phường, kual wai lăng phara ƀơi tơring čar hơmâo akŏ pơdong Jơnum min ruah khua hăng čih pơkra bruă ruah khua djơ̆ hrơi pơkă. Jơnum min djŏp djuai ania mơnuih mơnam Việt Nam tơring čar hơmâo pơphun Jơnum pơčrông sai tal sa, tŭ ư mrô mơnuih, hơdră ruah hăng mơnuih hơmâo tơbiă anăn ruah.

Tui hăng tơlơi kah pơpha, Lâm Đồng hơmâo 17 čô khua pơ ala mơnuih ƀôn sang dêh čar; ba pơƀuh 153 čô mơnuih tơbiă anăn ngă khua pơ ala mơnuih ƀôn sang tơring čar čih ruah 85 čô khua. Ƀơi să, Khul apăn bruă Jơnum min djŏp djuai ania mơnuih mơnam Việt Nam hơdôm boh tơring hơmâo ngă giong laih bruă jơnum pơčrông sai tal 1. Hăng tơlơi prăp rơmet tong ten, tơpă sit, abih bang, tơring čar Lâm Đồng ƀơ ƀrư̆ pơhlom bruă ruah khua sit jing hrơi jơnum ngui prong mơ̆ng abih bang mơnuih, pơtrut tơlơi dưi ngă pô, pran kơtang gum pơgôp djuai ania ta./.