VOV4.Jarai-Mơguah lơ 5/11, Khua dêh čar ơi Phạm Minh Chính git gai Jơnum đơ đam dêh čar lăng glăi boh than ngă tui tơlơi črâo trun mrô 01 amăng kơtưn pơgang apui ƀong amăng rơnuk phrâo.

VOV4.Jarai – Hăng tơhnal ba tơbiă “Mă mơnuih ƀôn sang hăng anom bơwih ƀong ngă phun pioh bơwih”, hơdôm hrơi rơgao, hơdôm anih anom amăng tơring čar Dak Lak hmâo laih lu hơdră ngă, bruă mă klă dưi mă yua pioh ngă amuñ amăng bruă ngă hră pơ-ar. Tơlơi anai ƀu djơ̆ kơnong kơ djru mơnuih ƀôn sang, anom bơwih ƀong hrŏ trun mông, prăk apah ngă hră pơ-ar ôh mơ̆, ñu dô̆ pơjing mơnuih apăn bruă, mơnuih mă bruă hmâo pran jua gơgrong, ai hơtai mă bruă dong.

VOV4.Jarai – Čơtlăm mơmot tom brơi (3/11), ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo bưp ƀô̆ mơta Grŭp khua pơ ala anom bơwih ƀong sang anô̆ mơbruă.

VOV4.Jarai - Mơguah lơ 3/11, ƀơi Ƀirô khua mir sir, Kơ-iăng khua mir sir yă Võ Thị Ánh Xuân tŭ jum Khua anih jưh Qatar Kha lid Ali Abdullah Abel.

VOV4.Jarai - Tlam lơ 3/11, ƀơi Ƀirô Kơnuk kơna, Khua dêh čar ơi Phạm Minh Chính tŭ jum Khua ding jum bơwih ƀong, sĭ mơdrô hăng tuh tia pơkra ming Japan Nishimura Yasutoshi glăk rai čuă, mă bruă ƀơi Việt Nam.

VOV4.Jarai - Lơ 3/11, Khua pơ ala mơnuih ƀôn sang pioh ha hrơi kiăng pơčrông sai ƀơi sang jơnum kơ sa, dua boh tơhnal dŏ pơmĭn phara amăng tơlơi phiăn lŏn mơnai (čih pơkra glăi).

VOV4.Jarai - Ding jum sĭ mơdrô hăng tuh tia pơkra ming phrâo hơmâo tơlơi črâo trun kơ bruă ngă tui hơdôm hơdră pơhlôm djop gơnam yua, hơđong nua sĭ mơdrô amăng rơnuč thun 2023 hăng bơyan ƀong tết tui phiăn juăt Giáp Thìn 2024.

VOV4.Jarai - Amăng mông đơ đam dêh čar hmâo na nao tơlơi truh apui ƀong ngă răm rai prong gah ană mơnuih hăng kông ngăn, hơdôm hrơi rơgao, khul Tơhan polih pơgang apui ƀong hăng pơtlaih mơnuih Kông ang tơring čar Dak Lak hmâo pơphun lu bruă mă găn rơgao lăng, pơhrăm pơgang pơgăn apui hăng pơtlaih brơi hơdôm rơbâo čô mơnuih ƀôn sang ƀơi đơ đam tơring čar. Mơ̆ng anun, pơđĭ tui tơlơi pơmin ăt kah hăng bôh thâo pơgang hlôm hlâo hăng pơsir anih apui ƀong mơ̆ng djop mơnuih, kiăng plai ƀiă đut hlah răm rai gah mơnuih hăng kông ngăn lơm hmâo apui ƀong.

VOV4.Jarai - Mơguah lơ 2/11, ƀơi Anom bruă Pơtŏp tơhan, Anom bruă tơhan kông an rŭi hyu hơdeč hmar, Khua mir sir dêh čar Mông Cổ Ukhnaagiin Khurelsukh hăng Khua mir sir ơi Võ Văn Thưởng nao čuă hăng ƀuh ƀing tơhan kông an rŭi hyu hơdeč arăng iâu Cảnh sát cơ động pơƀuh tơlơi rơgơi apăn bruă mơ̆ng ƀing gơñu.

VOV4.Jarai - Amăng jơlan hơdră rai čuă sit nik dêh čar Việt Nam, Khua dêh čar ơi Phạm Minh Chính hăng Khua dêh čar Hà Lan Mark Rutte hơmâo jơnum hrŏm Bơkơtuai boh thâo măi mok yôm Việt Nam - Hà Lan hăng Jơnum bơwih ƀong mơtah thun 2023.