Jơnum khua mua Ping gah Kơnuk kơna hăng anăn: “Pơjing Ping gah kơnuk kơna mă bruă tơpă hơđong kjăp; gum pơgôp, ba gru amăng yua boh thâo phrâo, boh thâo măi mok, pơplih pơčeh phrâo, pơplih mrô; hrưn đĭ kơtang, pơđĭ kyar lŏn ia tañ hăng hơđong kjăp amăng rơwang hrưn đĭ mơng pô, pơdrong sah, hiam klă, yâo mơ-ak”. Hlâo anun, amăng lơ 12/10, ƀing khua mua hơmâo pơčrông sai, pơgôp hiăp amăng črăn hră pơtrun pơsit Jơnum tal XIV mơng Ping gah, pơdah tơlơi gir run prong hloh amăng ngă tui hơdôm hơnong pơkă pơđĭ kyar.

Hră lăi pơthâo kơđi čar amăng Jơnum pơsit tlâo tơlơi pơtrut akŏ phun: pơjing hơdră bơwih ƀong sĭ mơdrô tui jơlan gah xã hội chủ nghĩa; pơđĭ kyar mơnuih mă bruă rơgơi pơlir hăng yua boh thâo măi mok hăng pơplih phrâo; pơđĭ kyar ha amăng plĕ man pơkra anih anom, sit biă ñu jơlan glông, apui yua, tơlơi pơhing. Jơnum lăi pơtong tơlơi rơkâo tŏ tui pran ba jơlan hlâo, thâo pơmĭn khin ngă, tơlơi glăm ba mơng ƀing apăn bruă, mơnuih Ping gah amăng rơwang phrâo.