Ƀơi mông jơnum bơkơtuai, dua čô khua hơmâo pơčrong sai lu bruă hăng tơlơi pơhing ƀơi rim boh dêh čar, tơlơi ngă giăng mah Việt Nam-Triều Tiên hăng lu tơlơi ƀơi jar kmar, amăng kual dua bơnah bơđing nao.

Dua bơnah ăt tŭ ư hrŏm, brơi khul grup khua mua pơprong bưp nao rai tui hăng plang tơlơi pơhing mơ̆ng Ping gah, kơnuk kơna, lŏn ia, anom bruă pơ ala mơnuih ƀôn sang hăng ngă hrŏm djop tơring čar mơ̆ng dua bơnah kiăng kah pơpha tơlơi thâo thăi, ngă kơjăp tơlơi đăo kơnang kơđi čar hăng thâo hluh nao rai dơlăm hloh; djă pioh bruă bưp nao rai, bơkơtuai bruă ngă hrŏm, kơsem min bruă či ngă hrŏm hơdôm bruă djơ̆ găl; pơtrut mơnuih ƀôn sang dua bơnah jĕ giăm rô nao rai lu hloh, kiăng ngă kơjăp tui tơlơi khăp pŭ ƀăn giăng mah dua bơnah. Khua git gai ping gah, khua pơ ala mơnuih ƀôn sang Triều Tiên, Kim Jong Un lăi pơtong, Triều Tiên kiăng biă mă ngă hrŏm Việt Nam kơjăp hloh amăng bruă akŏ pơdong ping gah hăng pơđĭ kyar lŏn ia, amra ngă hrŏm djru ba hơdôm bơnah bruă gêh găl hloh, kơtưn dong yua tơdruă amăng mông jơnum prong lu dêh čar ƀơi jar kmar kah hăng sang gum hơbit djop dêh čar, jơnum amăng kual hăng ƀơi kual ASEAN.