Khua dêh čar ơi Phạm Minh Chính phrâo hơmâo hră pơsit, djru prăk kăk ječ ameč kơ hơdôm boh tơring čar Thái Nguyên, Cao Bằng, Lạng Sơn hăng Bắc Ninh pơsir hĭ tơlơi răm rai yua hơjan kơthel ia dăo. Tơlơi pơsit djru 140 klai prăk mơ̆ng mrô prăk kơnuk kơna thun 2025 kơ 4 boh tơring čar, đah mơ̆ng djru tañ brơi mơnuih ƀôn sang, laih anun pơsir hĭ tơlơi răm rai yua hơjan ia dăo ngă (Thái Nguyên 50 klai, Cao Bằng 30 klai, Lạng Sơn 30 klai hăng Bắc Ninh 30 klai) tui hăng tơlơi ba tơbiă mơ̆ng Ding jum prăk kăk.

Khua dêh čar jao kơ Jơnum min mơnuih ƀôn sang hơdôm boh tơring čar: Thái Nguyên, Cao Bằng, Lạng Sơn hăng Bắc Ninh gơgrong wai lăng, mă yua mrô prăk anai, pơhlôm djơ̆ tơlơi phiăn kơ prăk kơnuk kơna hăng hơdôm hră gal tơlơi phiăn pơkŏn dong, pơhlôm mă yua djơ̆ tơlơi kiăng, djơ̆ pô kiăng djru, rơđah rơđông, ƀu brơi rơngiă, ƀu pioh hơmâo tơlơi soh glăi hơget ôh./.