Hăng anăp či mă bruă “Gum pơgôp-Ngă khua pô-Tơpă hnơ̆ng-Pơblih kơtang-Pơđĭ kyar”, Jơnum  ruah khua ping gah tơring čar Lâm Đồng tal I anai, rơwang bruă thun 2025-2030 hơmâo 498 čô khua pơ ala kơ 119.400 čô mơnuih ping gah đơ đam tơring čar. Tlam lơ 9/10, hơmâo pơphun jơnum prăp lui hlâo, ruah Khul khua git gai dŏ ƀơi anăp hơmâo 15 čô pơ ala; khul čih pioh hơmâo 3 čô; khul pơtong glăi kơnuih ƀing pơ ala nao jơnum hơmâo 5 čô; pơsit hĭ jơlan hơdră jơnum, boh yom phun, tơlơi phiăn pơkă kơ bruă jơnum; lăi pơthâo hlâo 8 grup khua mua pơ ala pơčrong sai nao rai phara mông, pơgôp hiăp kơ hră pơtrun jơnum laih anun hră pơtrun jơnum ruah khua ping gah dêh čar tal XIV pơ anăp.

Ngă tui tơlơi jak iâu mơ̆ng Khul khua Jơnum min djop djuai ania mơnuih mơnam Việt Nam, pơčruh prăk djru kơ mơnuih ƀôn sang kual răm ƀăm kơthel ia ling dăo ngă laih anun Jơnum min djop djuai ania mơnuih mơnam Lâm Đồng jak iâu, hơmâo tŭ mă laih prăk kăk gơnam tam djru mơ̆ng 128 boh anom bruă ping gah pơyŭ laih anun prăk mơnuih ƀôn sang djru abih bang 27,8 klai prăk.