Tŭ ư tơlơi jak iâu mơ̆ng Khua git gai Ping gah mơnuih mă bruă Triều Tiên, Khua git gai lŏn ia Triều Tiên ơi Kim Jong Un, Khua git gai Ping gah dêh čar Việt Nam ơi Tô Lâm nao čuă gưl Kơnuk kơna pơ dêh čar Triều Tiên laih anun pơhmư̆ jơnum ngă lơphet 80 thun hrơi akŏ pơdong Ping gah mơnuih mă bruă Triều Tiên, mơ̆ng lơ 9-11/10/2025.

Amăng tal nao čuă anai, khua mua dua Ping gah, dua Kơnuk kơna amra pơčrông sai, pơsit hơdră ngă bruă, jơlan pơđĭ tui tơlơi rô nao rai dua bơnah tŭ yua, sit nik, lăp djơ̆ hăng tơlơi kiăng khăp mơ̆ng mơnuih ƀôn sang dua bơnah, lăp djơ̆ hăng tơlơi pơkă bơdjơ̆ nao, gum pơgôp kơ tơlơi rơngai, hơđong, ngă hrŏm hăng pơđĭ kyar amăng kual hăng ƀơi rŏng lŏn tơnah. Dua bơnah tŭ ư pơtrut tui tal nao čuă, pok prong mông jơnum bơkơtuai djŏp gưl ping gah, kơnuk kơna hăng abih bang mơnuih ƀôn sang sit nik, tŭ yua, kiăng thâo hluh nao rai tơdruă, kah pơpha, lăi pơthâo tơlơi thâo rơgơi amăng djŏp bruă mơ̆ dua bơnah kiăng.