VOV4.Jarai-Lơ 4/11, jơnum lok 8, Khua pơ ala mơnuih ƀôn sang dêh čar tal 15 pơčrông sai ƀơi sang jơnum, lăng glăi boh than ngă tui akŏ bruă pơđĭ kyar bơwih ƀong huă mơnuih mơnam thun 2024, prap lui akŏ bruă pơđĭ kyar bơwih ƀong huă mơnuih mơnam thun 2025.

VOV4.Jarai -Jơnum min bơwih ƀong Khua pơ ala mơnuih ƀôn sang dêh čar phrâo mă bruă hăng Jơnum min mơnuih ƀôn sang sa dua bôh tơring čar kual Tŏng Krah dêh čar kơ bruă pok pơhai Rơwang bruă yua prăk pơkra jơlan rơdêh treng đuăi hmar Kơdư – Dơnung dêh čar.

VOV4.Jarai-Ding kơna Ding jum kơđi čar, Khua khul pơphun bruă gơnong glông Lê Minh Hưng phrâo hơmâo mông mă bruă hăng Khul apăn bruă Ping gah tơring čar Khánh Hòa.

VOV4.Jarai - Hmư̆ tui tơlơi jak iâo mơ̆ng Khua git gai pơ ala mơnuih ƀôn sang dêh čar ta ơi Trần Thanh Mẫn, Khua git gai pơ ala mơnuih ƀôn sang dêh čar Cuba Ét-tê-ban La-zô Héc-nan-đét hmâo tal rai čuă, mă bruă ƀơi dêh čar Việt Nam mơ̆ng lơ 2-3/11.

VOV4.Jarai - Kiăng pơjing rai bruă bơkơtuai pioh hơdôm bôh anom bơwih ƀong hăng mơnuih tuh pơplai lăi pơthâo nao rai tơlơi găn rơgao, pơjing jơlan pơlir hơbit kơjăp hăng kơjăp phik pioh pơtrut bruă đang hmua Dap Kơdư pơđĭ kyar tui jơlan gah phrâo, phrâo tôm adih anai, Ding jum đang hmua hăng pơđĭ kyar ƀôn lan dêh čar hmâo pơphun Jơnum pơtrut tuh pơplai bruă đang hmua, plơi pla kual Dap Kơdư. Jơnum dưi pơphun tui hơdră pơkĕ hrŏm lăng nao rai mơ̆ng ataih mơ̆ng anih tô Ding jum đang hmua hăng pơđĭ kyar ƀôn lan truh anih tô pơ̆ plơi prong Plei Ku, tơring čar Gia Lai.

VOV4.Jarai-Thun blan rơgao, Khul đah kơmơi mut phung djop gưl amăng dêh čar ta pơtum nao pok pơhai Kơčăo bruă ngă tui bơkơnar đah rơkơi hăng đah kơmơi kiăng lăi bơkơnar rơkơi bơnai laih anun pơsir hơdôm tơlơi hơmâo ječ ameč hăng ƀing đah kơmơi laih anun čơđai muai. Mơ̆ng anun, pơtô pơblang, pôr pơthâo mơnuih ƀôn sang amăng plơi pla, pơblih ƀiă tơlơi pơmin, hơdră mă bruă kiăng tañ lui hĭ anŏ kah akŏ rơkơi bơnai, hơdôm tơlơi phiăn hơđăp ƀu djơ̆ găl, pơsir lu tơlơi amăng mơnuih mơnam tơlơi ječ ameč pơdjơ̆ nao kơ đah kơmơi hăng čơđai muai kual plơi pla djuai ƀiă hăng čư̆ siăng. Ƀơi tơring čar Phú Yên, lu thun laih rơgao, Khul đah kơmơi mut phung ƀơi tơring čar anai đing nao pok pơhai djop hơdră, ring bruă pioh djru, gum hrŏm ƀing đah kơmơi mơnuih djuai ƀiă akŏ pơdong sang anŏ mơak yâo.

VOV4.Jarai-Tơlơi pơhing amăng kual Tong Wing pôr tong ten biă mă kơ tal nao čuă mơ̆ng ơi Phạm Minh Chính Khua dêh čar ta ƀơi djop dêh čar pơlir hơbit Arab Saudi hăng Qatar.

VOV4.Jarai - Kơƀah mơnuih mă bruă pơtô pơhrăm hăng ơi ia jrao tui hơdră ƀong prăk kơnuk kơna ƀơi tơring čar Dak Nông hmâo pơphun lu thun hăng anai, bơdjơ̆ nao ƀu anet truh bruă pơhlôm bruă pơtô pơhrăm hăng pel ĕp pơjrao tơlơi ruă ƀơi tơring čar.

VOV4.Jarai-Mơng akŏ thun 2024 truh ră anai, bruă plư pleč, ngă soh amăng plang internet ƀơi tơring čar Dak Lak glăk ngă tơnap tap. Hăng ƀing ngă soh hluai tui măi telephôn, plang mơnuih mơnam ƀudah pơanăn mă ƀing apăn bruă gah anom bruă pơsir kơđi pơphun lu bruă plư hưp ƀong kông ngă. Anom bruă bơdjơ̆ nao glăk pơtrut kơtang hơdôm hơdră pơgăn, pơtô pơblang kiăng mơnuih ƀôn sang răng kơđiăng ƀơi anăp kơ tơlơi plư pleč, kiăng pơhlôm rơnuk rơnua, hơđong mơnuih mơnam.

VOV4.Jarai-Mơguah tom brơi lơ 1/11 (tui mông pơ dêh čar tač rơngiao) tơdơi kơ nao čuă kual tuh tia pơkra ming Ras Laffan, Khua dêh čar ơi Phạm Minh Chính hăng bơnai ñu hrŏm hăng khua mua pơprong mơng Việt Nam hơmâo đĭ rơdêh por tơbiă mơng dêh čar Qatar pơđut hiam klă tal nao čuă tlâo boh dêh čar kual Trung Đông.