Bruă gum djru thun anai dưi pok pơhai hăng anăn ñu: “Hlăk ai Việt Nam ư-ang, đăo kơnang kơjăp kơ Ping gah”, rŭ tơgŭ pran jua tuh rơyuh, bruă gơgrong, pơčeh phrâo amăng rơnuk hlăk ai; anăp nao hơdôm gru pơđom pioh gru grua yôm phăn kah hăng Hơdor glăi 80 thun bruă Hơkrŭ blan 8 hăng hrơi pơdŏng lŏn ia lơ 2/9, 100 thun pơdŏng Khul hlăk ai hơkrŭ Việt Nam, anăp nao Jơnum Ping gah đơ đam dêh čar ta 14 (rơwang bruă 2025 – 2030).

Nao pơhmư̆ hăng pơhiăp amăng mông ngă lơphet, Khua Jơnum min djop djuai ania mơnuih mơnam dêh čar Việt Nam Đỗ Văn Chiến bơni pran jua ba jơlan hlâo, pơčeh phrâo mơ̆ng hlăk ai đơ đam dêh čar hăng rơkâo hơdôm gưl, gơnong bruă ngă gal brơi dong pioh khul hlăk ai ngă tui bruă mă amăng pơđĭ kyar bơwih ƀong – mơnuih mơnam, pơplih mrô, pơgang anih anom dô̆, pơdŏng plơi pla phrâo hăng bơwih brơi čơđai muai, biă ñu ƀơi kual asuek, ataih, guai dêh čar, bul ia rơsĭ. Hrŏm hăng anun lăi rơđah bruă yôm phăn mơ̆ng Khul hlăk ai amăng bruă ngă tui pran kơtang hăng tơlơi čang rơmang tuh rơyuh mơ̆ng hlăk ai amăng rơnuk phrâo./.