Mông jơnum pơphun amăng 6 hrơi (mơ̆ng 3-6/6; mơ̆ng lơ 9-10/6/2025) hăng Jơnum min apăn bruă Khua pơ ala mơnuih ƀôn sang dêh čar pioh lu mông kơ bruă čih pơkra tơlơi phiăn. Amăng mông jơnum anai, Jơnum min apăn bruă Khua pơ ala mơnuih ƀôn sang dêh čar amra gum pơhiăp kơ 4 bôh yôm phăn.

Anun lĕ rơwang bruă Tơlơi phiăn pơplih pơkra, pơhrua nao sa dua mơta tơlơi amăng hơdôm tơlơi phiăn gah bruă pơgang lŏn ia, rơnuk rơnua plơi pla; Akô̆ bruă dưm dăp anom mă bruă čar gưl să thun 2025; hră čih Tơlơi pơtrun pơsit mơ̆ng Khua pơ ala mơnuih ƀôn sang kơ bruă pơplih pơkra ƀudah lom lui hơdră pơkă wai lăng prăk kak, prăk pơhrui phara ha jăn mơ̆ng hơdôm bôh ƀirô, anom bruă čar kơnuk kơna; hră čih pơkră Tơlơi pơtrun pơsit mơ̆ng Khua pơ ala mơnuih ƀôn sang dêh čar kơ pơphô sa dua hơdră pơkă, hơdră bruă phara ha jăn, biă ñu pioh tuh pơplai pơlar jơlan rơdêh treng. Tơlơi pơtrun pơsit pơtô brơi pơphun bruă mơ̆ng Grŭp khua pơ ala mơnuih ƀôn sang, Khul pơ ala mơnuih ƀôn sang hơdôm gưl rơwang bruă 2021-2026 tơdơi kơ dưm dăp anom bruă čar./.