Pơ ala brơi Khul, Khua mir sir ơi Lương Cường git gai Khul pơgang rơnuk rơnua đing nao pok pơhai ngă tŭ yua tơlơi pơtrun gơnong glông 8 tal XIII kơ hơdră pơgang lŏn ia amăng rơnuk phrâo, lăp djơ̆ hăng tơlơi rơkâo wai pơgang kjăp tơlơi rơngai, ngă pô, pơlir hơbit, rơnuk rơnua lŏn ia ta, pơhlôm hơđong amăng lŏn ia, amăng mơnuih mơnam, pơtrut kơtang mut hrŏm jar kmar djop mơta, dơlăm, tŭ yua.

Khua mir sir ơi Lương Cường lăi pơtong, pơ anăp anai, kiăng tŏ tui krăo lăng tơlơi sit sik, kơsem min, pơblang rơđah, lăng glăi, đăo lăng hlâo tơlơi sit nik amăng rŏng lŏn tơnah, amăng kual, amăng lŏn ia, sit biă ñu hơdôm bruă phrâo ƀuh, jing hơdră bơdjơ̆ nao bruă pơgang rơnuk rơnua, pơtom hiăp mơng Việt Nam kiăng hmao tlôn pơphô bruă brơi Ping gah, Kơnuk kơna hơdôm hơdôm tơlơi črâo trun, hơdră pơsir, anăm ngă sư̆ rơbư̆, ƀu hmao thâo djop mơta bruă.