Ră ruai hăng ƀing čơđai, Khua git gai Ping gah dêh čar ơi Tô Lâm lăi rơđah, ƀing čơđai amra ƀu hyel ôh hăng kơnuih ƀing mơnuih hmâo tum djop amăng tơlơi hơdip mơda mơnuih mơnam.

Khua git gai Ping gah dêh čar rơkâo, khom pơjing hơdră bruă ha amăng plĕ brơi kơ mơnuih pơtô pơhrăm phara ha jăn, amăng anun pơkĕ hrŏm kơplah wah sang hră hăng sang ia jrao, anom pơjrao tơlơi ruă, anih anom pơhrăm bôh thâo, hơkrŭ glăi bruă mă hăng anăp nao bruă; kơtưn pơtô pơhrăm kơjăp, mơnuih pơjrao tơlơi ruă, tơlơi pơmin bruă pơhrăm; pơlar bruă pơjrao, măi mok pơtô pơhrăm lăp djơ̆ hăng rim tơlơi ƀu klă amăng drơi jăn; djru prăk kah, prăk hrăm, hră pơgang hăng gơnam mă yua pioh kơ bruă pơhrăm kơ mơnuih ƀu klă drơi jăn ƀơi wot plơi prong hăng plơi pla, kual asuek, ataih; pơjing hơdôm anom djru pơtô pơhrăm phara ha jăn, pơđĭ kyar hơdôm hơdră sang hră klă, gơnam mă yua dưi yua hăng djop čơđai ƀu klă drơi jăn./.