VOV4.Jarai - Mơguah anai (19/2), Khua pơ ala mơnuih ƀôn sang jơnum abih bang ƀơi Sang rông, pơsit pel ĕp lu tơlơi pơtrun pơsit yôm phăn.

VOV4.Jarai-Mơguah lơ 17/2, ƀơi ƀôn prong Hồ Chí Minh, Ping gah, sang bruă khua tơhan kual 7 jơnum bưp ƀô̆ mơta hăng ƀing khua mua ling tơhan pơdơi lơtret, abih thun bruă amăng đơ đam kual lŏn gah anom bruă tơhan kual 7 ƀrô mơak akŏ thun phrâo 2025.

VOV4.Jarai - Amăng rơwang hơdôm bruă gum hrŏm jar kơmar thun 2025, čơtlăm (17/2), ƀơi Hà Nội, Sang hră pơtô bruă kơđi čar Hồ Chí Minh pơphun mông tŭ jum hăng mă bruă hăng Khua anih jưh pơ ala kơ Cuba ƀơi Việt Nam.

VOV4.Jarai - Čơtlăm tom brơi (17/2), Khua dêh čar ơi Phạm Minh Chính tŭ jum ơi Nagao Yutaka, Khua Grŭp Yamato Holdings, dêh čar Japan glăk dô̆ čuă, mă bruă ƀơi dêh čar Việt Nam.

VOV4.Jarai - Hơdôm thun giăm anai, bruă pơđĭ kyar Ping gah amăng ƀing čơđai sang hră gưl anet, gưl prong Dak Lăk pơplih klă tui laih. Lu hlăk ai rơgơi hơmâo pơmut amăng Ping gah lơ̆m glăk dŏ hrăm hră đôč, pơdah tơlơi kjăp tơlơi pơmin, thâo bruă kơči čar hăng pran jua hur har gum djru lŏn ia, plơi pla. Tơlơi anai ăt brơi ƀuh tơlơi lăng ba prong mơ̆ng djŏp gưl ping gah, sang hră hăng khul hlăk ai amăng bruă pơtô pơhrăm hlăk ai.

VOV4.Jarai - Jơnum Ping gah hơdôm gưl 2025-2030 anăp nao Jơnum khua pơ ala đơ đam dêh čar tal 14 mơ̆ng Ping gah lĕ bruă jơnum kơđi čar tŭ yua yôm phăn biă pơđom pioh bruă pơđĭ kyar phrâo lŏn ia. Anai ƀu kơnong kơ tal pioh abih bang Ping gah, mơnuih ƀôn sang hăng ling tơhan lăng glăi črăn yak rơgao pơsit bôh tơhnal dưi ngă hăng akă dưi ngă ôh mơ̆, ñu dô̆ jing atur hơdră pơtrun pơsit jơlan pơđĭ kyar lŏn ia rơnuk phrâo dong. Yua anun, bruă prăp lui hăng pơphun jơnum Ping gah hơdôm gưl khom dưi ngă tui hăng pran jua gơgrong prong. Gưl Ping gah hơdôm gưl đing nao git gai, črâo ba hmâo akô̆ tlôn hăng tơpă. Gong phun jua pơhiăp dêh čar Việt Nam lăi pơthâo tơlơi čih mơ̆ng Khua git gai Ping gah dêh čar ơi Tô Lâm hăng anăn ñu “Pơphun klă Jơnum Ping gah hơdôm gưl rơwang bruă 2025-2030”.

VOV4.Jarai - Mơguah lơ 17/2, Grŭp pơtô bruă Ping gah hăng pơtô ba mơnuih ƀôn sang dêh čar ta pơphun Jơnum lăi pơthâo tơlơi pơsit mơ̆ng Ding jum kơđi čar kơ bruă brơi ơi Huỳnh Thành Đạt (Khua Ding jum kơsem min bôh thâo phrâo hăng hơdră phrâo măi mok) ngă Kơ-iăng Khua Grŭp pơtô bruă Ping gah hăng pơtô ba mơnuih ƀôn sang dêh čar ta.

VOV4.Jarai - Mơguah lơ 17/2, Kơ-iăng Khua dêh čar ta ơi Trần Hồng Hà tŭ jum ơi Reha Denemec , Kơ-iăng Khua Grŭp măi mok hăng sĭ mơdrô man pơdŏng IC ICTAS dêh čar Thổ Nhĩ Kỳ, Khua wai lăng bruă pơdŏng hăng dưm truă măi mok ring bruă Sang tuai jưh tơdrŏn rơdêh por Long Thành.

VOV4.Jarai - Hơdôm blan akô̆ thun, bruă sĭ gơnam kơ dêh čar tač rơngiao mơ̆ng hơdôm anom bơwih ƀong sĭ mơdrô gơnam mă mơ̆ng đang hmua ƀơi tơring čar Dak Lak hmâo dik dăk, amra ba truh dong hơdôm bôh tơhnal klă hiam.

VOV4.Jarai-Hrơi anai (17/2), tŏ tui pơphun hơdôm mông jơnum mơng tal jơnum ƀu tui tơđar lok 9, Khua pơ ala mơnuih ƀôn sang dêh čar 15, ƀing khua mua pơčrông sai pơsir hĭ hơdôm tơlơi tơnap tap mă yua boh thâo phrâo.