Khua git gai ping gah bơni kơ boh tơhnal pơđĭ kyar mơ̆ng dua boh tơring čar, samơ̆ ăt pơčrâo brơi rơđah bruă ngă hrŏm lir hơbit plah wah Kiên Giang hăng An Giang aka ƀu ba glăi boh tŭ yua đơi ôh, mah dŏ amăng kual lir hơbit jĕ giăm hloh amăng tơring yŭ dơnung dêh čar. Khua git gai ping gah rơkâo, pơmut glăi dua boh tơring čar kiăng akŏ pơjing sa khul ngă hrŏm tŭ yua sit nik, pơđĭ kyar hloh tui hơbô̆ bruă mă bơwih ƀong huă prong, anih anom lŏn mơnai glai klô lu mơta hăng dưi lir hơbit ba glăi boh tŭ yua lu hloh mơ̆n.

Bruă pơmut glăi tơring čar anai, ăt ngă gêh găl brơi čuk pơkra jơlan glông nao rai, kiăng dưi pơjing rai rơnoh sĭ mơdrô yom mơ̆ng bruă ngă hmua pla pơjing, sĭ mơdrô hăng tač rơngiao, pơhưč tuh pơ alin prong laih anun pơđĭ tui tơlơi kơtang pơhno amăng kual. Khua git gai ping gah pơtrun hiăp dua boh tơring čar pơtum ngă giong tơhnal jao rơwang bruă thun 2020-2025, prăp lui tong ten kơ Jơnum ruah khua ping gah djop gưl, anăp nao jơnum ruah khua ping gah dêh čar tal XIV.