Pơmut hrŏm Gong phun pơdah rup pơtui jua pơhiăp hăng Hră pơhing Dak Lak
Thứ tư, 14:16, 04/06/2025
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Tlam lơ 3/6, khua mua git gai ping gah tơring čar Dak Lak nao jao hră pơtrun pơmut glăi sang bruă Gong phun pơdah rup hăng pơtui jua pơhiăp tơring čar mut hrŏm hăng sang bruă Hră pơhing Dak Lak, tui hăng hră pơtrun mrô 2382 mơ̆ng khul apăn bruă ping gah tơring čar.
Ơi Trần Văn Hiền dưi ruah ngă khua sang bruă Hră pơhing phrâo Dak Lak; 5 čô kơ-iăng khua kah hăng Lê Quang Ánh, Lê Minh Thược, Cao Huy Cường, Lê Văn Thế, Đàm Thị Thuần. Pơhiăp amăng mông jơnum pôr pơthâo hră pơtrun anai, Khua git gai ping gah tơring čar Dak Lak, ơi Nguyễn Đình Trung lăi pơtong, bruă pơmut sang bruă anai kiăng hơbôt hloh, pơđĭ tui boh tŭ yua amăng bruă mă pôr tơlơi pơhing phrâo.
Tui hăng akŏ bruă, hră pơhing phrâo Dak Lak amra ngă tui dua bruă mă, hră pơhing in jing hră pơar, tơlơi pơhing điện tử amăng internet, pơtui jua pơhiăp hăng pơdah rup tivi, hơmâo 9 boh anom bruă mă bruă phun hăng abih bang 188 čô mơnuih mă bruă, pơpha amăng 45 čô ngă khua hăng kơ-iăng khua anih bruă.
Viết bình luận