Đĭ pơhiăp amăng mông bưp, Kơ-iăng Khua mir sir yă Võ Thị Ánh Xuân brơi thâo, anai lĕ ƀing mơnuih ba gru hiam, ngă bruă klă, ƀing mơnuih pơƀuh rơđah kơ pran gum pơgôp amăng pơjing tơlơi hơdip khăp pap amăng mơnuih mơnam, ƀing mơnuih hơdip kret kruai samơ̆ bă blai pran khăp pap.

Kơ-iăng Khua mir sir čang rơmang ƀing mơnuih ba gru hrŏm hăng hơdôm klăk čô mơnuih pơyơr drah amăng đơ đam dêh čar amra tŏ tui pran khăp pap, gru grua hiam klă mơng djuai ania, djru brơi hơdôm tơdjoh drah mơng ta pô brơi kơ mơnuih mơnam; laih dong anai lĕ ƀing mơnuih ngă akŏ amăng ƀon lan, anih anom mă bruă, ngă lar hyu bruă pơphun, pơtrut pơsur lu dong mơnuih, sang anŏ, kơnung djuai nao pơyơr drah, pơgôp sit nik amăng bruă bơwih brơi tơlơi suaih pral kơ mơnuih ƀôn sang.