VOV4.Jarai-Hơdôm hrơi tơdơi ƀong tết tui phiăn juăt Ất Tỵ, Khua dêh čar ơi Phạm Minh Chính hơmâo nao ngă lơphet pok man pơkra jơlan rơdêh đuăi hmar ƀôn prong Hồ Chí Minh-Thủ Dầu Một-Chơn Thành ară jơlan găn nao tơring čar Bình Dương. Đĭ pơhiăp amăng mông ngă lơphet, Khua dêh čar rơkâo hơdôm tơring čar Bình Phước, Bình Dương hăng ƀôn prong Hồ Chí Minh amăng rơwang tal I anai kiăng pơgiong hră pơ-ar kiăng tơkuh nao rai arăng jơlan mơng Dak Nông nao pơ Chơn Thành.

VOV4.Jarai-Mơguah tom brơi (7/2) Kơ-iăng Khua dêh čar ơi Trần Hồng Hà hrŏm hăng grup hyu mă bruă mơng Kơnuk kơna nao pel ĕp kơ bruă ngă hmua hăng juh alum pran jua, nao čuă, tơña bla hơdôm boh sang anŏ rông akan hơdang ƀơi tơring glông Vân Đồn (Quảng Ninh) yua bơdjơ̆ nao mơng kơthel mrô 3 (Yagi).

VOV4.Jarai-Ăt amăng hrơi tom brơi (7/2), nao Jơnum jao bruă kơ Khua jơnum min pel ĕp gơnong glông, Khua git gai Ping gah dêh čar ơi Tô Lâm rơkâo: Kiăng đing nao bruă pel ĕp krăo lăng amăng rơwang ră anai kơ bruă kiăo tui lăng, pơgang pơgăn, črâo ba ngă tui; kơtưn amăng bruă kiăo tui lăng tơlơi sit nik kiăng “huăi pơsir kơđi lu mơnuih apăn bruă lĕ tơlơi truh kih”.

VOV4.Jarai - Pơkă hlâo lơ 13/2 pơ̆ anăp anai, 17 bôh tơring glông, plơi prong ƀơi tơring čar Gia Lai amra ha amăng plĕ pơphun ngă lơphet ruah mơnuih nao ngă tơhan brơi giăm truh 2.900 čô mơnuih hlăk ai.

VOV4.Jarai - Mơguah lơ 7/2, Ping gah tơring čar Dak Nông pơphun bưp ƀô̆ mơta ƀing khua pơ ala thâo hră, thâo adôh suang, mơnuih čih tơlơi pơhing phrâo ƀrô̆ djơ̆ bơyan bơnga Ất Tỵ 2025 hăng jao pri hơdôm tơlơi čih thâo hloh lăi kơ “Hrăm hăng ngă tui tơlơi pơmin, pran jua, kơnuih Hồ Chí Minh”.

VOV4.Jarai - Čơtlăm lơ 7/2, ƀơi Ƀirô mă bruă Gong gai dêh čar, Khua dêh čar ơi Phạm Minh Chính hmâo tŭ jum laih Khua anih jưh pơ ala kơ dêh čar Pakistan ƀơi Việt Nam Kohdayar Marri ƀrô̆ djơ̆ tal Khua anih jưh pơphun bruă mă.

VOV4.Jarai - Čơtlăm tom brơi (7/2) ƀơi Ƀirô mă bruă Ping gah dêh čar ta, pơphun jơnum jao bruă Khua Anom bruă Ping gah dêh car.

VOV4.Jarai-Mơguah tom brơi (7/2), Kơ-iăng khua dêh čar ơi Trần Hồng Hà nao ngă lơphet pơphun “Tết pla kyâo hơdor na nao kơ Wa Hồ” bơyan bơnga Ất Tỵ 2025 ƀơi kual Dơnao Yên Trung, plơi prong Uông Bí, tơring čar Quảng Ninh.

VOV4.Jarai - Mơguah tom brơi (7/2), Ping gah ƀôn prong Đà Nẵng pơphun Jơnum mơnuih apăn bruă phun đơ đam ƀôn prong hăng hơdră ƀơi anăp hăng lăng nao rai mơ̆ng ataih, pok pơhai Tơlơi pơtrun pơsit 57 lơ 22/12/2024 mơ̆ng Ding jum kơđi čar kơ pơplih phrâo pơđĭ kyar bôh thâo phrâo, hơdră phrâo măi mok, pơplih phrâo pơčeh phrâo hăng pơplih mrô lŏn ia

VOV4.Jarai-Mơguah lơ 6/2, Ƀơi ƀrô Khua pơ ala mơnuih ƀôn sang dêh čar pơphun Jơnum khul apăn bruă Ping gah khua pơ ala mơnuih ƀôn sang hăng Khul apăn bruă Ping gah Kơnuk kơna kơ Jơnum ƀu tui tơđar lok 9, Khua pơ ala mơnuih ƀôn sang dêh čar 15.