Ƀrô nao jơnum khua mua pơprong kual ASEAN tal 46, tlam lơ 26/5,Khua dêh čar ơi Phạm Minh Chính hơmâo mông bưp hăng Khua dêh čar Lao ơi Sonesay Siphandol.

Dua čô khua tŭ ư hăng akŏ bruă pơtrut ngă tui 2 kơčăo bruă čuk pơkra jơlan phun pơtruh nao rai hăng  dêh čar Lao, jơlan đuăi hmar mơ̆ng Hà Nội truh pơ Vientiane, jơlan rơdêh treng Vientiane hăng Vũng Áng.  Ƀơi mông bưp nao rai, Khua dêh čar lao ơi Sonesay Siphandol bơni biă mă tơlơi djru ba mơ̆ng Việt Nam pioh kơ dêh čar Lao amăng bruă hơkrŭ kơ lŏn ia hlâo adih ăt kah hăng pơđĭ kyar ră anai; lăi pơtong, Kơnuk kơna Lao amra ngă hrŏm tong ten hăng kơnuk kơna Việt Nam pok pơhai tŭ yua, djơ̆ hơdră hơdôm bruă yom dua bơnah hơmâo pơkôl pơkă, kiăng pơtrut bruă jơnum mơak hơdor glăi glăi djop hrơi jơnum prong mơ̆ng ping gah, dua bơnah kơnuk kơna amăng thun 2025.

Dua čô khua dêh čar ngă hrŏm tong ten pok pơhai tŭ yua tơlơi pơkôl pơkă mơ̆ng dua bơnah; pơgang rơnuk rơnua, hơđong mơnuih mơnam; kơtưn ngă hrŏm wai pơgang tơlơi rơnuk rơnua dêh čar laih anun bơwih ƀong huă čuk pơkra jơlan glông nao rai, ngă hrŏm gah apui lơtrik, sang dăng kông hăng tuai čuă ngui, amăng anun ăt pơtrut pok pơhai ngă tui 2 akŏ bruă čuk pơkra jơlan nao rai phun rơdêh đuăi hmar mơ̆ng Hà Nội nao pơ Vientiane, jơlan rơdêh treng mơ̆ng Vientiane-Vũng Áng.