Hrơi jơnum hơmâo pơphun jê̆ giăm, mơak, đăo kơnang nao rai, dua čô khua hơmâo lăi pơthâo tơlơi bơwih ƀong huă, mơnuih mơnam rim boh dêh čar, pơtong lăng hơdôm tơlơi đĭ kyar mơ̆ng tơlơi rô nao rai dua bơnah hrơi blan rơgao, pơčrông sai hăng pơsit hơdră ngă hrŏm prong hloh mơ̆ng dua boh dêh čar hrơi blan pơ anăp.

Khua mir sir ơi Lương Cường hăng Khua mir sir dêh čar Prang tŭ ư pơtrut tui bruă sĭ mơdrô tuh pơ alin; pok pơhai hăng mă yua klă Hră kĭ pơkôl pơgang ba tuh pơ alin EU - Việt Nam, pơtrut Jơnum min kual Mi Kô̆ tañ lui hĭ “hră kak kơñĭ” IUU hăng hăng akan hơdang mơ̆ng Việt Nam laih dong ngă gêh gal brơi kiăng Việt Nam ba sĭ akan hơdang pơ  dêh čar Prang hăng EU. Dua čô khua tŭ ư pơtrut tui tơlơi ngă hrŏm amăng hơdôm bruă juăt ngă mơ̆ng hlâo kah hăng pơtô hăng pơjuăt, ia jrao, tơlơi phiăn ăt kah hăng amăng bruă gru grua - tuai hyu ngui, bruă ngă hmua hăng pơgang adai ƀu lăp ngă. Tơdơi kơ mông jơnum, Khua mir sir ơi Lương Cường hăng Khua mir sir dêh čar Prang dŏ lăng dua bơnah kĭ pơkôl lu hră ngă hrŏm gah ling tơhan, rơnuk rơnua, boh thâo ia rơgơi, apui ayuh, tơlơi phiăn, jơlan nao rai, pơgŭ pơgiăng, rơdêh por, bruă hmua hăng ayuh hyiăng anih hơdip, ia jrao...