Khua dêh čar ơi Phạm Minh Chính hơmâo git gai mông mă bruă hăng Khua dêh čar Kur laih dong Khua dêh čar Lao ƀrô tal nao čuă sit nik dêh čar Malaysia, nao jơnum hrŏm. Amăng mông jơnum hur har pran jua, tlâo čô khua dêh čar hơmâo pơlăi nao rai hơdôm bruă ngă hrŏm hăng hơdôm bruă amăng jar kmar, amăng kual tlâo bơnah đing nao.

Tlâo čô khua dêh čar tŭ ư lăng hơdôm hơdră ngă hrŏm dua bơnah hăng tlâo bơnah Việt Nam-Kur-Lao hơmâo hăng glăk ba glăi tŭ yua, pơgôp sit nik amăng bruă hơkrŭ hăng pơtrut ngă hrŏm tlâo boh dêh čar. Tlâo čô khua dêh čar lăi pơtong bruă djă pioh hăng tŏ tui gru grua gum pơgôp, djru tơdruă kơplah wah Việt Nam-Kur-Lao jai hrơi kiăng biă mă hăng yôm phăn hloh, anai lĕ sa amăng hơdôm tơlơi akŏ phun kiăng pơtrut ngă hrŏm kjăp phik kơplah wah tlâo boh dêh čar.