Amăng mông bưp, ơi pơtao dêh čar Brunei hok mơ-ak ƀuh tơlơi rô nao rai kơplah wah dêh čar Việt Nam hăng Brunei tŏ tui pơđĭ kyar hiam klă rơbêh 30 thun rơgao. Ơi pơtao dêh čar Brunei brơi thâo, dua boh dêh čar dŏ lu tơlơi dưi kiăng mă yua, tŏ tui klă ƀiă dong anun lĕ ia jâo hyuh, ia jrao, ngă hmua, akan hơdang, tuai čuă ngui, pơkra gơnam ƀong huă Halal.

Kơ jơlan gah ngă hrŏm dua bơnah, Khua dêh čar ơi Phạm Minh Chính rơkâo Brunei tŏ tui ngă gêh gal brơi hơdôm anom bơwih ƀong sĭ mơdrô Việt Nam ngă hrŏm bơwih ƀong sĭ mơdrô amăng bruă ia jâo hyuh, ia jrao, mơnong ƀong huă; ngă pơhrua hră pơ-ar brơi hơdôm boh ƀattô, mơnuih hyu akan hơdang Việt Nam dưi hyu mă akan hơdang ƀơi kual ia rơsĭ Brunei; laih dong djru brơi Việt Nam hơmâo hră pơsit, pơkra mơnong ƀong huă Halal hăng tŭ mă tơlơi dưi mơng gơnong pioh pơkra lu mơng Việt Nam. Ƀrô tal anai, dua čô khua apăn akŏ tŭ ư tŏ ngă tui tŭ yua Jơlan hơdră bruă mă pok pơhai tơlơi rô nao rai ngă hrŏm djop mơta Việt Nam-Brunei rơwang thun 2023-2027, hăng ngă dơlăm tui tơlơi rô nao rai dua bơnah pơ anăp anai.