VOV4.Jarai-Mơguah lơ 6/5, amăng jơnum lok 18, Khul pơ ala mơnuih ƀôn sang tơring čar Gia Lai hơmâo pơphun ruah pơhrua hăng brơi pơdơi bruă hăng sa, dua čô khua mua tui tơlơi pơkă.

VOV4.Jarai - Mơguah lơ 6/5, ƀơi Ƀirô Kơnuk kơna, Khua dêh čar ơi Phạm Minh Chính tŭ jum Khua ding jum ling tơhan dêh čar Prang Sebastien Lecornu glăk rai čuă ƀơi Việt Nam, mut hrŏm hơdôm bruă mă tal hơdor glăi 70 thun blah dưi Điện Biên Phủ.

VOV4.Jarai – Hơdor glăi 70 thun hrơi tlaih rơngai Điện Biên Phủ (7/5/1954 – 7/5/2024), mơguah lơ 6/5 ƀơi Hà Nội, grŭp khua pơ ala kơ khua git gai, khua git gai hơđăp Ping gah, Kơnuk kơna ta nao dưm guang bơnga hăng mut čuă pơsat jep Khua mir sir Hồ Chí Minh; dưm guang bơnga hơdor glăi ƀing Sông kơtang pơsăn drơi ƀơi jơlan Bắc Sơn (Ba Đình, Hà Nội).

VOV4.Jarai-Tlam lơ 5/5, Khua dêh čar ơi Phạm Minh Chính nao jơnum hrŏm pôr pơthâo bruă pơkă hnong tơring čar Tây Ninh mơ̆ng thun 2021-2030, lăng nao pơ anăp adih truh thun 2050.

VOV4.Jarai-Tlam mơmŏt lơ 5/5, Ƀrô hơdor glăi tal 70 thun hrơi blah dưi ƀơi Điện Biên Phủ, Gong phun pơdah rup Việt Nam pơphun pơdah rup hmao klôn tô nao rai hăng lu anih mă anăn “Gah yŭ hla kơ Khom Dưi”, pơtruh nao rai hăng 5 bit anih pơdah brơi mơnuih ƀôn sang lăng tivi mơ̆ng plơi prong Điện Biên Phủ, ƀôn prong Hà Nội, Thanh Hóa, Kon Tum hăng ƀôn prong Hồ Chí Minh.

VOV4.Jarai - 70 thun rơgao laih, samơ̆ mơnit mông blah ngă ƀơi Điện Biên Phủ đưm adih ăt dŏ na nao amăng tơlơi pơmin pran jua tơhan hơđăp tơring čar Yên Bái. Hơdôm gơnam tam, rup, hơdrôm hră bơdjơ̆ nao lu bruă mơ̆ng Ping gah, gong gai, tơhan hăng mơnuih ƀôn sang tơring čar Yên Bái bơwih brơi kơ bruă blah ƀơi Điện Biên Phủ ăt hơmâo anom apăn bruă mơ̆ng tơring čar hyu ĕp, djă pioh hăng lăi pơthâo.

VOV4.Jarai – Mơguah lơ 5/5, ƀơi tơring čar Tây Ninh, Khua dêh čar ta ơi Phạm Minh Chính git gai mông Jơnum Khul ba hyu mơnuih apăn bruă kual Ngŏ Dơnung dêh čar ta tal 3 hăng anăn ñu “Pok pơhai kual pơkă Ngŏ Dơnung dêh čar rơwang 2021-2030, tơhnal lăng truh thun 2050”.

VOV4.Jarai - Lơ 3/5, Grup mă bruă mơ̆ng ping gah ƀôn prong, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam ƀôn prong Hồ Chí Minh nao čuă hăng brơi gơnam pơpŭ kơ ƀing gum blah ƀưi Điện Biên Phủ hlâo adih, ƀrô hrơi ngă lơphet 70 thun Blah dưi Điện Biên Phủ.

VOV4.Jarai - Ƀơi tơring čar Gia Lai, Dak Lăk, Kon Tum, tlam tom brơi hơmâo hơjan hlâo laih, ngă adai rơ-ơ̆, phun pla huăi krô, huăi kơƀah ia dong tah.

VOV4.Jarai-Dak Lak amra djru 24 klai prăk hrŏm hăng Ding jum kông an man pơdong 1.200 boh sang brơi kơ sang anŏ mơnuih ƀôn sang ƀun rin, kơƀah sang dŏ, sang anŏ hơmâo anăn kơnuk kơna djru, mơnuih ƀôn sang djuai ƀiă amăng tơring čar thun 2024.