VOV4.Jarai – Lơ 21/12, Khua dêh čar ta Phạm Minh Chính git gai Jơnum đơ đam dêh čar kơ pơsit tơlơi ngă tui Akô̆ bruă pơđĭ kyar mă yua mrô lăi nao kơ anih dô̆, anăn păn hăng pơsit điện tử pioh pơplih mrô lŏn ia.

VOV4.Jarai- Ƀrô tal hơdor glăi 79 thun hrơi akŏ pơjing ling tơhan mơnuih ƀôn sang Việt Nam, 34 thun hrơi abih bang mơnuih wai pơgang rơnuk rơnua, mơguah tom brơi (20/12), ƀơi ƀôn prong Đà Nẵng, Ping gah, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam Việt Nam ƀôn prong Đà Nẵng pơphun bưp ƀô̆ mơta rơbêh 2.000 čô khua tơhan, ƀing Đại tá, thượng tá hăng khua mua, khua anom bruă gưl Trung đoàn hăng bơkơnar pơ glông.

VOV4.Jarai-Tlam tom brơi, lơ 20/12, Khua dêh čar Phạm Minh Chính nao čuă hăng mă bruă tom Sang hră kơsem min gah ling tơhan ƀrô hơdor glăi tal 79 thun Hrơi akŏ pơjing khul ling tơhan mơnuih ƀôn sang Việt Nam, 34 thun Hrơi abih bang mơnuih ƀôn sang ngă hrŏm pơgang lŏn ia lơ 22/12.

VOV4.Jarai - Ngă tui jơlan hơdră ngă bruă thun 2023, mơguah lơ 20/12, Anom bruă git gai mrô 35 Ping gah dêh čar pơphun Jơnum abih bang tum pơƀut 5 thun ngă tui Tơlơi pơtrun mrô 35 mơ̆ng Ding jum kơđi čar tal 12 kơ “Pơđĭ tui bruă pơgang phun akha tơlơi pơmin djơ̆ mơ̆ng Ping gah, hơngah glăi tơlơi pơmin soh glăi, hil neč amăng hrơi blan anai” laih anun pơƀut glăi bruă mă thun 2023, pok pơhai bruă mă amăng thun 2024.

VOV4.Jarai - Tlam tom brơi (20/12), Kơ-iăng khua dêh čar Trần Lưu Quang pơhmư̆ hăng git gai mông Jơnum lăng mơ̆ng ataih amăng tivi tum pơƀut glăi bruă mă amăng thun 2023 laih anun pok pơhai bruă mă amăng thun 2024 mơ̆ng Anom wai lăng bruă kơnuk kơna.

VOV4.Jarai – Mơguah tom brơi (20/12) ƀơi Hà Nội, Ping gah Kông ang dêh čar ta pơphun Jơnum pơsit bôh tơhnal, pel ĕp glăi bruă git gai ngă tui bruă jao kơđi čar thun 2023; ba tơbiă jơlan gah, bruă mă thun 2024; pơsit bôh tơhnal ngă tui Tơlơi pơtrun pơsit mrô 12 mơ̆ng Ding jum kơđi čar; gum pơhiăp kơ hơdôm hră pơ-ar lăi pơthâo amăng mông Jơnum Kông ang đơ đam dêh čar tal 79.

VOV4.Jarai - Mơguah tom brơi (19/12), ƀơi Hà Nội, Khua mir sir Võ Văn Thưởng nao jơnum hăng đĭ pơhiăp amăng mông jơnum hlăk ai đơ đam dêh čar Khul čơđai sang hră gưl prong Việt Nam tal XI rơwang thun 2023-2028, anai lĕ hrơi jơnum pơƀut prong mơng čơđai sang hră gưl prong Việt Nam amăng lŏn ia hăng tač rơngiao, pơdah tơlơi čang rơmang, pran hrưn đĭ kơtang mơng čơđai sang hră Việt Nam amăng rơnuk pơjing hăng wai pơgang lŏn ia.

VOV4.Jarai – Čơtlăm tom brơi (19/12), ƀơi Hà Nội, Đại tướng Tô Lâm, Ding kơna Ding jum kơđi čar, Khua Ding jum Kông ang dêh čar ta hmâo tŭ jum laih Khua anih jưh pơ ala kơ New Zealand ƀơi Việt Nam, yă Tredene Dobson nao lăi pơthâo ƀrô̆ djơ̆ tal pơđut rơwang bruă ƀơi Việt Nam.

VOV4.Jarai – Mơguah tom brơi (19/12) ƀơi Hà Nội, Khua git gai Ping gah dêh čar ta Nguyễn Phú Trọng nao pơhmư̆ hăng pơhiăp amăng mông pok phun Jơnum bruă pơtom hiăp tal 32 hăng anăn ñu “Ngă tui dong bruă ba jơlan hlâo pơdŏng bruă pơtom hiăp abih bang, rơnuk anai, kơjăp kơtang, ngă tui truh kih Tơlơi pơtrun pơsit Jơnum tal 13 mơ̆ng Ping gah”.

VOV4.Jarai-Amăng tal nao čuă hăng mă bruă, pơhmư̆ hrŏm jơnum khua mua pơprong hơdor glăi 50 thun tơlơi rô nao rai ASEAN-Japan, Khua dêh čar Phạm Minh Chính weh nao čuă sang anŏ Khua hơđăp dêh čar Japan, rơgŏm ơi Abe Shinzo.