Ră anai apui lơtrik Dak Lak glăk wai lăng rơbêh kơ 130.200 ƀĕ tơmeh dăng hrĕ apui hmâo kap hrĕ internet mă yua hrŏm. Sang bruă hmâo yua laih prăk pơdŏng, pơplih pơkra rơwang dlông mơ̆ng gŏng hrĕ apui hăng wai lăng pơhlôm djơ̆ hơdră pơkă, pơhlôm hrĕ apui lơtrik. Khă hnun hai, bruă dưm truă hrĕ kap internet ƀơi gŏng hrĕ apiu lơtrik ƀu hmâo hơdră pơkă klă amra hmâo tơlơi truh hơbin ƀu thâo ôh. Hơdôm thun rơgao, gơnong bruă apui lơtrik Dak Lak hmâo ngă tui na nao laih bruă pơplih pơkra ngă rơguăt hrĕ apui dăng kông dăng hrŏm hăng hrĕ apui lơtrik.
Kơčăo bruă thun 2024, sang bruă pơsir na nao glông gŏng hrĕ apui ataih rơbêh kơ 46 km jơlan gŏng hrĕ apui dăng kông dăng nao hrŏm gŏng hrĕ apui lơtrik ƀơi kual krah plơi prong Buôn Ma Thuột, plơi prong Buồn Hồ hăng hơdôm bôh tơring glông Krông Pač, Buôn Đôn, Krông Năng, Čư̆ Mgar, Ea Kar. Rơđah biă ñu pơsir rơmet hĭ hrĕ kap tơ̆i lê̆ trun ƀu mă yua, ngă rơguăt hơdôm hrĕ dăng, tăng glăi rơwang dlông hơdôm ară hrĕ kap ber đơi./.
Viết bình luận