Amăng blan 7, 8 rĭm thun, đa ƀuh hơjan na nao giăm 20 hrơi, mah huăi ngă dăo samơ̆ jơlan glông pơđăm ia sui hrơi amra ngă răm rai. Amăng bơyan hơjan thun anai, gơnong bruă wai lăng jơlan glông Dak Nông hơmâo gơgrong prap lui hơdră pơhlôm hlâo hơjan ia ling dăo hăng hơdră “4 bruă ƀơi anih”, laih dong gum hrŏm hăng gong gai djop ƀon lan pơhŭi hlâo, pel ĕp glăi, dor hĭ hơdôm anih plung hŭp rôk jơlan, sit biă ñu pơhlôm glông pơđoh đuăi ia kiăng huăi ngă pơkŏng ia amuñ ba truh lŏn tơhroh.

Ơi Hà Sỹ Sơn, Kơ-iăng khua gơnong bruă wai lăng jơlan glông tơring čar Dak Nông brơi thâo, ră anai ling tơhan juăt hyu pel ĕp na nao rôk jơlan, kiăng hmao tlôn ĕp ƀuh, pơsir hĭ hơdôm anih răm rai, pơhlôm rơnuk rơnua brơi rơdêh găn nao rai.