VOV4.Jarai – Tô̆ tui jơlan hơdră nao čuă dêh čar Khač, čơtlăm lơ 11/4, ƀơi plơi prong Côn Minh, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo bơkơtuai laih hăng ơi Vương Ninh, Ding kơna Ping gah dêh čar Khač, Khua git gai Ping gah tơring čar Vân Nam, Khua Jơnum min apăn bruă Khua pơ ala mơnuih ƀôn sang tơring čar Vân Nam.

VOV4.Jarai - Mơguah tom brơi (11/4), Khua dêh čar ơi Phạm Minh Chính git gai jơnum kơnuk kơna kơ bruă čih pơkra tơlơi phiăn blan 4/2024, nao jơnum hrŏm hơmâo Kơ-iăng Khua dêh čar ơi Trần Hồng Hà, ƀing khua ding jum, gơnong bruă lĕ ding kơna Kơnuk kơna.

VOV4.Jarai-Mơguah tom brơi (11/4), ƀơi tơring čar Điện Biên pơphun jơnum bơkơtuai boh thâo gưl dêh čar “Blah dưi Điện Biên Phủ hăng bruă pơjing, wai pơgang lŏn ia Việt Nam xã hội chủ nghĩa”. Jơnum bơkơtuai yua Ding jum ling tơhan git gai, gum hrŏm hăng anom pơtô bruă Ping gah, Ding jum kông ang, sang bruă pơtô bruă kơđi čar dêh čar Hồ Chí Minh hăng tơring čar Điện Biên pơphun.

VOV4.Jarai – Mơguah lơ 11/4, Bơkơtuai giăng mah pơgang guai dêh čar Việt Nam hăng Khač tal 8 sit nik pơphun hăng Phiăn ngă Lơphet čơkă Grŭp mơnuih mơ̆ng dêh čar Khač ƀơi bah amăng jang jar kơmar Lào Cai rai pơ̆ dêh čar Việt Nam pơhmư̆ hơdôm bruă bơkơtuai giăng mah.

VOV4.Jarai - Tlam lơ 10/4, ƀơi ƀôn prong Thượng Hải, Khua git gai pơ ala mơnuih ƀôn sang dêhčar ơi Vương Đình Huệ tŭ jum khua mua hơdôm grup bơwih ƀong, kông ti pơprong mơ̆ng dêh čar Khač ƀơi ƀon prong Thượng Hải.

VOV4.Jarai - Dơ̆ng mơ̆ng mơmot lơ 10/4, plơi prong Kon Tum, tơring čar Kon Tum pơphun lu ruă jơnum gru grua đah mơ̆ng pơtruh nao rai, pơhưč tuai hyu ngui.

VOV4.Jarai-Tlam lơ 10/4, ƀơi anom bruă Kơnuk kơna, Khua dêh čar ơi Phạm Minh Chính tŭ jum Khua ding jum pơtom hiăp dêh čar Brazil, ơi Mauro Vieira hlăk rai čuă jơmư sit nik Việt Nam mơ̆ng lơ 9-10/4/2024.

VOV4.Jarai-Amăng rơnuk blah wang kơdong glăi ayăt Prang, sit biă ñu blah wang ƀơi Điện Biên Phủ thun 1954, jơlan čun čoe Lũng Lô lĕ sa amăng hơdôm ară jơlan phun kiăng kơ ling tơhan hăng mơnuih ƀôn sang djru brơi phao kơtuang hrŏm hăng mơnuih ƀong huă djru tơhan blah wang. Kiăng jơlan dưi găn nao rai gêh gal, djơ̆ hăng tơlơi rơkâo, ƀing ling tơhan čuk pơkra jơlan gir run tơhrơi kah hăng mlăm pok jơlan hăng wai pơgang, pơgôp yôm phăn amăng tal blah dưi “Hmư̆ hing tar ƀar rŏng lŏn tơnah”.

VOV4.Jarai – Khul bơwih ƀong mơnuih mơnam Sang gum hơbit djop dêh čar (ECOSOC) hmâo tŭ ư ruah Việt Nam mut amăng Khul mă bruă Ƀirô Sang gum hơbit djop dêh čar kơ Tơlơi bơkơnar bơnai hăng rơkơi hăng Jao tơlơi dưi kơ đah kơmơi (UN Women) rơwang bruă 2025-2027.

VOV4.Jarai - Ƀơi tơring čar Gia Lai dong mơng akŏ thun truh ră anai ƀuh na nao čơđai ia ƀlung, ngă 13 čô čơđai djai. Tui tơlơi sit nik anai, kiăng hơmâo tơlơi gơgrong mơng rĭm boh sang anŏ hăng abih bang mơnuih amăng bruă wai pơgang brơi ƀing čơđai.