Tui tơlơi lăi pơthâo glăi, ngăn drăp kơnuk kơna thun 2024 djru ngă tui 3 Jơlan hơdră pơkă mơ̆ng lŏn ia (Jơlan hơdră pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng; Jơlan hơdră hrŏ trun ƀun rin kơjăp sui thun hăng Jơlan hơdră pơdŏng plơi pla phrâo) kual Dap Kơdư lĕ rơbêh kơ 5.500 klai prăk, amăng anun prăk yua pơđĭ kyar rơbêh kơ 3.400 klai prăk, ngăn rơnoh kơ bruă mă rơbêh kơ 2.100 klai prăk.
Pơsir prăk tuh pơplai bruă hrŏm truh kơ 30/6/2024, hơdôm bôh tơring čar kual Dap Kơdư hmâo pơsir laih rơbêh kơ 1.500 klai prăk, hmâo rơbêh kơ 36% kơčăo bruă. Truh ră anai, kual Dap Kơdư hmâo năng ai ñu 373 bôh să hmâo tơlơi pơsit tŭ yap djơ̆ tui plơi pla phrâo; mrô sang anô̆ ƀun rin tui tơhnal pơkă phrâo lu bơnah thun 2024 mơ̆ng kual hrŏ trun mơ̆ng 3-4% bơhmu hăng thun 2023. Amăng mông jơnum, Kơ-iăng Khua dêh čar ta ơi Trần Lưu Quang lăi rơđah, kiăng pok pơhai ngă tui ba glăi bôh tơhnal hơdôm Jơlan hơdră pơkă mơ̆ng lŏn ia, hơdôm tơring čar khom ngă abih bruă gơgrong, klă, khut khăt hloh dong pơ̆ anăp anai; hơdôm tơring čar khom hrăm nao rai tơdruă, tơring čar hơpă akă dưi ngă khom hrăm tui tơring čar ngă klă pioh gum hrŏm ngă tui truh kih bruă hmâo jao./.
Viết bình luận